Accueil Tamazight S ccwal ɣer wayeḍ

Tasdawit n Tizi Uzzu - Agezdu n tutlayt d yidles amaziɣ : S ccwal ɣer wayeḍ

52
- PUBLICITÉ -

Mbeɛd, mi yekker uxxam ad yelḥu deg ugezdu n tutlayt d yidles n tmaziɣt n tesdawit n Mulud Mɛemmeri n Tizi Uzzu, yal wa ijebbed ɣer tama-s, yal wa yefka i yiman-is lḥeqq.

- PUBLICITÉ -

Idhem-d ccwal, yerẓa-d tiwwura, yenneqlab uxxam-agi ɣef uqerru-is, yiwen ur yefhim d acu iḍerrun. Bdu-tt-id s ugdal n yiɛeggalen n teseqqamut n ugezdu-a, timlilit n yiselmaden, syin ɣer-s ɣer yimerẓi i d-yellan gar yiwen n usdawan (aɛeggal n teseqqamut-a) d yiwen n uselmad deg ugezdu-agi.

Mbeɛd aneḥbus ɣef leqraya i wazal n ddurt, terkem teswiɛt, tuɣal tendeh abrid-nniḍen deg tlemmast n yikayaden n umseddis wis sin. Ugin-asen yiɛeggalen n teseqqamut n ugezdu-agi, ad ɛassen ikayaden tlata-nni n yiselmaden i ssuturen rwaḥ-nsen. Dayen i d-yeglan s uḥbas ɣef yikayaden i wazal n tlata wussan, seg wass-nni n letnayen armi d ass-nni n larebɛa iɛeddan.

Yeɛreḍ yimḍebber amezwaru n tesga n tsekliwin d tutlayin Mass M. Imarazen, ad yessemsawi taswiɛt, dɣa yenna-d: “Mbeɛd timilit taneggarut i nexdem d sin yixsimen-agi, nemsefham ad nkemmel qbel ikayaden-agi i d-yeqqimen syin ad nefru taluft-agi, akken i d-tewwi”. Ikemmel yenna-d: “Mi nekfa kan ikayaden, ad ɛerḍeɣ ad fruɣ tamsalt-agi s uẓar, ma ur ssawḍeɣ ara ad ten ceggɛeɣ ɣer teseqqamut tamcarekt, yetabaɛen ɣer tselwit n tesdawit n Tizi Uzzu”.

Yenna-d diɣ belli msefhamen, iselmaden-agi deg tlata yid-sen ur ttɛassan ara deg yikayaden-agi, maca ad kecmen s agezdu yerna ad xedmen ccɣel-nsen, mbeɛd mi niqal ugin-asen anekcum s agezdu d uxeddim deg-s. taswiɛt-agi, ters-d cwiṭ n lehna, ttkemmilen yisdawanen ikayaden-nsen, yetturaǧun ad faken ass n lexmis-agi sdat-nneɣ.

A. A.

- PUBLICITÉ -