Accueil Tamazight Ssuturen yimazdaɣ n taddart n Tizi Lilan amur-nsen deg unegmu

Mɛatqa

Ssuturen yimazdaɣ n taddart n Tizi Lilan amur-nsen deg unegmu

51

Ssuturen yimezdaɣ n taddart n Tizi-Lilan, i d-yezgan deg tɣiwant n Mɛatqa, i ibeɛden s wazal n 20 n yikilumitren ɣef unẓul n temdint n Tizi Uzzu, amur-nsen n unegmu deg yal aḥricen n tudert.

Dɣa tiɣri-nsen terza, deg tazwara, iɛeggalen n Useqqamu Aɣerfan Aɣiwan n Mɛatqa, akken ad d-rren tamawt ɣer temḍiqt-agi yenḥafen nezzeh, u ad jerden ahil n unegmu n taddart-agi. Gar yisenfaren igejdanen i seg ur d-sfaydi ara temḍiqt-ag, ad naf asenfar n lgaz n temdint.

Aya, dɣa, isekker lɣiḍ n yimezdaɣ, deg wakud anda tuget n tudrin n tɣiwant n Mɛatqa ccuddent yakk ɣer uẓeṭṭa n lgaz n temdint. Gar yiɣeblan igejdanen-nniḍen, ssuturen yimezdaɣ taduli n yiberdan n taddart, i d-yeggran deg yir addad i yeɣzan yakk seg waman. Ur ṣliḥen ara yakk i tenhert. Dɣa, gren tiɣri i yimḍebbren i tduli n yiberdan-agi s tezwirt.

Daɣen ad naf aɣbel n yiguduyen s trawnaṭ, zelgen udem n leryuf n yiberdan n taddart, dayen izemren ad d-yeglu s yibaxixen ɣef tdawsa n yimezdaɣ. Akka, ay ssutren tukksa-nsen d tullya n yiwen n ugudu ara d-yilin s ddaw n tɛessast n Srabes n Uwanak.
Ali Zalouk