Accueil Tamazight Ssuturen yinaẓuren d yixeddamen n yidles tullya n Uxxam n yidles i...

Wehran : Ssuturen yinaẓuren d yixeddamen n yidles tullya n Uxxam n yidles i tikkelt-nniḍen

79
- PUBLICITÉ -

Ffɣen-d yinaẓuren d kra n wudmawen n yidles deg Wehran, ussan iɛeddan, deg yiwen n wass n yibeddi d ucetki akken ad ssutren tullya n uxxam n yidles ameqqran (Palais de la culture) i d-yezgan di temdint i tikkelt-nniḍen, mbeɛd 10 n yiseggasen segmi yemdel ɣef ssebba n lxedma d uɛiwed n kra n tamiwin deg-s. Tenna-d Fayza Ḥeddadi, i ixeddmen deg Uxxam n yidles, ɣef waya :« Ixeddamen merra, ur bɣin ara ad qqimen deg Uxxam n yidles ideg qeddcen imir-a deg Sidi Lhewwari”.

- PUBLICITÉ -

Terna tessuter seg teɣlift n yidles, s yisem n yixeddamen « Akken ad d-tili tuɣalin ɣer uxxam yellan di tlemmast n temdint, acku d win iwesɛen. Rnu ɣer waya, ixeddamen-a, ur ufin ara iman-nsen deg wadeg-a n Sidi Lhewwari, imi d aqbur mliḥ, ɣef waya, aṭas n lehlakat i d-ibanen ladɣa ɣef wid meqqren di leɛmer ». Ttcetkin daɣen aɛiwed n umuqel ɣer lbaṭima yellan ar tama n uxxam-a n yidles iɣer bɣan ad d-uɣalen, imi tettwaker u tuɣal d asuddu amnaḍan, rran-t kra gar yifassen-nsen u sselḥayen-t akken bɣan.

Ɛlaḥsab-nsen, anemhal aqdim n yidles deg Wehran, Amin Zawi, yessuter seg zik akken lbaṭima-a ad d-ilint deg-s temliliyin n lxedma ɣef uẓawan, ad ttabaɛent axxam n yidles, akken ara tettunefk tegnit i yilmeẓyen yesɛan tukci (don) d tayri n tẓuri, ad d-sbeggnen u ad d-ssuffɣen ayen kesben, xir ma fkan akud-nsen i yimihiyen inmettiyen. D asmekti kan, belli axxam-a n yidles i iɣelqen tiwwura-s akka tura 10 n yiseggasen, yefka-d ddeqs n wudmawen i tẓuri d yidles azzayri, gar-asen dɣa, Suɛad Buɛli, Barudi Ben Xedda, tarbaɛt mucaɛen deg tiliẓri n Lezzayer kraḍ n wudmawen n umezgun « Bila ḥudud », Bexta, Malika Neǧǧadi…atg.

Yesruḥ daɣen udem mucaɛen Ɛebdelqader Ɛellula yenɣa rrebrab deg yiseggasen n 90 d Bexti Ben Ɛuda. D ayen i ten-yeǧǧan ihi ad ssutren ad as-yuɣal wazal, acku d win kan i d adeg, i d aɣbalu n tmussni-nsen d tẓuri iḥemmlen, yerna tawilayt n Wehran tesra i uxxam ara d-yessemlilen udmawen n tẓuri, ma neẓra d akken d tamnaḍt meqqren mbeɛd tamanaɣt.

zayri, gar-asen dɣa, Suɛad Buɛli, Barudi Ben Xedda, tarbaɛt mucaɛen deg tiliẓri n Lezzayer kraḍ n wudmawen n umezgun « Bila ḥudud », Bexta, Malika Neǧǧadi…atg. Yesruḥ daɣen udem mucaɛen Ɛebdelqader Ɛellula yenɣa rrebrab deg yiseggasen n 90 d Bexti Ben Ɛuda. D ayen i ten-yeǧǧan ihi ad ssutren ad as-yuɣal wazal, acku d win kan i d adeg, i d aɣbalu n tmussni-nsen d tẓuri iḥemmlen, yerna tawilayt n Wehran tesra i uxxam ara d-yessemlilen udmawen n tẓuri, ma neẓra d akken d tamnaḍt meqqren mbeɛd tamanaɣt.

Khaled Achoui

- PUBLICITÉ -