Tewwi-d terbaεt n waddal n Kempo n tmurt n Lezzayer amḍiq wis kraḍ (03) deg tezrigt tis 16 n telɣuɣa n ddunit n tmurt n Sepenyul, i d-yellan seg 25 ar 27 seg waggur n yebrir 2019, anda i d(tḥella terbaεt taɣelnawt 50 n cciεat. Gar-asent, 11 n wuraɣ, 22 n cciεat n teẓruft d 17 n cciεat n udrenz, deg yiwet n temsizzelt anda ttekkant 33 n tmura n ddunit. Tikkelt-agi, turar terbaεt taɣelnawt s yilmeẓyen yesεan ddaw 21 n yiseggassen, yecban Malak Day Touba (19 n yesgassen), i d-yewwin snat (02) n cciεat n wuraɣ, deg taggayt n semi-Kempo d Full-Kempo. Sḥassfen aṭas yimḍebbren n terbaεt n yinaddalel seg maḥyaf yessemres unefray n yiwet n temlilit, i yekksen cciεa n wuraɣ i unaddal Fayçal Chennah. Tettekka tmurt n Lezzayer deg temsizzelt-agi s 19 n yinaddalen, s tlawin d yirgazen, deg taggayin yemgaraden n waddal n Kempo, anda qesden ad d-ḥellin amur ameqqran n cciεat deg talɣuɣa-agi, wa ad d-ilin deg yimeḍqan imezwura deg umyezwar n temsizzelt.
Ali Zalouk