Accueil Tamazight Taẓrigt tis snat n temsizzelt imruyen n tmurt-iw

Asegmi aɣelnaw

Taẓrigt tis snat n temsizzelt imruyen n tmurt-iw

70

Ceyyɛent-d tenmehliwin n usedwel, imalas-a, ulɣuyen i yinemhalen n yiɣerbazen ad ten-xebbren s beddu n teẓrigt tis snat n temsizelt iwumi qqaren ‘’Imruyen n tmurt-iw’’ neɣ ‘’Aqlam biladi’’. D timsizzelt iɣef i d-tella deffir-s tneɣlaft n usegmi aɣelnaw Massa Ben Ɣebriṭ. Deg yisuḍaf n uttekki, ad naf, ad kkint kraḍet n tutlayin: Tamaziɣt, taɛrabt d tefransist u aya yeɛna akk iswiren n uɣerbaz, s umenzu alamma d tasnawit. Yal aswir s usentel i yiman-is. Zemren yisental ad d-awin ɣef wazalen inmettiyen neɣ ɣef wudmawen n tmurt, d imyura neɣ d inmazrayen, timucuha i d-ttawin di tmetti, isefra…atg.

Mbeɛd aktazal ara gent teseqquma n ufran gar yimaswaḍen d yiselmaden i yiḍrisen i d-yufraren, syin yal tawilayt ad d-yettwaddem yiwen n unelmad deg yal aswir, ad yekki deg temsizzelt taɣelnawt i d-yettilin deg tmanaɣt ar taggara n useggas, din ara d-iban win iwumi ara d-iṣaḥ warraz amezwaru ara as-yettunefken sɣur taneɣlaft n usedwel. Iswi n temsizzelt-a, ɣef wakken walan, “D asebɣes n unelmad akken ad d-ifares iḍrisen igerrzen acku aṭas n yinelmaden i yellan deg uɣerbaz azzayri yesɛan tigzi meqqren deg taɣult-a n tira, ixuṣ kan utwelleh ɣur-sent. Maca s leqdicat am wi, nezmer ad d-nesfaydi s waṭas deg yinelmaden-nneɣ, u nutni ad snernin aswir-nsen deg tenfalit d tira”. I d-tenna Massa Ben Ɣebriṭ.

Khaled Achoui