Accueil Tamazight Taεdawt gar wuccen d yizem

Cwit seg tmucuha n leqbaye : Taεdawt gar wuccen d yizem

561
- PUBLICITÉ -

Macahu tellemcahu ad tt-yeḍbeε Ṛebbi d asaru. Qaren yiwet n tikkelt, izem agellid n yiγersiwen yezεef γef wuccen armi yeggul, lemmer ad t-yeṭṭef ad t-ineγ yir lmut. Uccen, yeḥsa, ihi iγab ulac win yeẓran avriq-is (abrid-is). Iḍebber yinisi γef yizem, yemla-as tiḥilet i swayes ara yeṭṭef uccen, yenna-as: « Ay agellid, err iman-ik tuḍneḍ nezzeh, ad draun yakk yiγersiwen fell-ak. Mi ara yes sel wuccen, ad d-yerzu bessif, acku ur yezmir ara ad yernu cceḥna-nniḍen yidk”. Yexdem akken yizem, yerra iman-is grr tudert d lmut. Iγersiwen yak, tteffγen keccmen seg uxxam n ugellid. Uccen, mi i yesla, iruê-d maca s lxuf d ameqqran. Mi i yewweḍ γer uxxam, yeqqim kan γef tewwurt, ur yewwiḍ ara ɣer umuḍin (meḥsub izem), mebεid kan yeqqar-as-d: ‘’Ad k-d-yawi Ṛebbi cfaε ay agellid-nneγ’’. Izem: ‘’Annaγ ay uccen, acḥal-ayagi uḍneγ, keçç ur tesliḍ ara. Qerreb-d, ṭṭef anyir-iw, amek rɣiγ’’. Uccen, yefhem lukan ad iqerreb, ad yettwaṭṭef, dɣa yenna-as: ‘’Ulayγer ṭṭfeγ anyir-ik ay agellid, lḥamu a-tt-an tewweḍ-iyi-d γer dagi’’.

- PUBLICITÉ -

Yahia Yanes

- PUBLICITÉ -