Tettwassen tɣiwant n Tsexṛiwt s yidigan icebḥen nezzeh, amedya acercuṛ n Kefrida, d win n Tẓebbucin. Mebla ma nettu ccbaḥa n yidurar, am udrar Amellal, d udrar n Takkuct.
Lameεna tahuski-a ur tt-fuṛsen ara yemḍebbṛen n tɣiwant akken ilaq, imi ur fkan ara azal i ugerruj-a agaman, dɣa tala n Tmizert d amedya. Taneggarut-a i d-yezgan di taddart n At Ɛli Umḥend, d asεay d agaεmir i yimezdaɣ, acku, rnu i waman-is iṣemmaḍen i d-yettarran ṛṛuḥ i umuḍin, aman-is d lεali-ten daɣen i wid yesεan lehlak n tgeẓẓal. Daymi i d-rezzun ɣur-s ula seg tuddar-nniḍen.
Ad d-nesmekti d akken, liḥala n tala-a ur tellhi ara, imi acḥal-ayagi segmi i tettwabna, ihi ilaq-as ureqqeε s temɣawla. Xas ma yella wid teεna temsalt sεuzzgen imeẓẓuɣen-nsen, lamaɛna faqen yilemẓiyen n taddart d akken zemren ad tt-ḥerzen nutni, xeṛṣum s wayen iwumu zemmren.
D ayen i ten-yeǧǧan, gren-d tiɣṛi i yimezdaɣ i waken ad ten-εiwnen s wayen ṣṣawḍen. Di laεḍil ad d-jemεen cwiṭ n temεiwna, arrac-a ad zwiren deg usizdeg-is. Dɣa, Nessaram-assen afud igerrzen di leqdic-nsen.
K. K.