Accueil Tamazight Tamεayt n tweṭṭuft

Cwiṭ seg tmucuha n leqbayel

Tamεayt n tweṭṭuft

38

Yesteqsa yiwen urgaz taweṭṭuft: “A taweṭṭuft, acḥal n tḥemẓin i tzemreḍ ad teččeḍ deg yiwen n usuggas ?”
Taweṭṭuft : “Yiwet n tḥemẓet”. Yebɣa urgaz ad ijeṛṛeb dγa ma s tidet. Yeddem-d tabbwaḍt, yerra γur-s yiwet n tḥemẓet yerna taweṭṭuft-nni. Yura γef tbbwaḍt ass d waggur i wakken ad icfu. Yeɣγelq-itt, yeğğa-tt.
Asmi i d-yezzi useggas, yeddem-d urgaz tabbwaḍt-nni, ildi-tt, yaf taweṭṭuft tedder, maca tečča kan azgen. Dɣa, iwhem !

Yesteqsa-tt: “A taweṭṭuft, tenniḍ-iyi tetteγ yiwet n tḥemẓet deg useggas, ğğiγ-kem aseggas, uffiγ teččiḍ ala azgen, acimi ? Ayγer ?
Taweṭṭuft: “Asmi lliγ deg ufus n sidi Ṛebbi, meḥsub di tlelli-w, tetteγ tiḥemẓet, acku ẓriγ aseggas wayeḍ Ṛebbi ur itettu ara, ad iyi-d-iheggi tayeḍ. Asmi uγaleγ deg ufus n umdan, meḥsub di tbbuwaḍt, ugadeγ ad iyi-tettuḍ ččiγ kan azgen, ccuḥeγ i wayeḍ akken ad idireγ yis-s aseggas-nniḍen amar deg-s ad iyi-d-temmektiḍ”. Taggara. Win yeṭṭfen di Ṛebbi, ur t-itt-xass wara, acku d netta i aγ-d-yefkan γer wakal. Acu amdan, ilaq ad yexdem i yellan fell-as. Muqqel γer tweṭṭuft aεeqqa aεeqqa, tetteg leqrar, tettaf-it di tegrest, amdan ad ittkel γef Ṛebbi d yiγil-is, amdan mačči d yiwen wass ad ak-yerfed.
Yahia Yanes