Accueil Tamazight Tamsirt s umrar

Cwiṭ seg tmucuha n leqbayel

Tamsirt s umrar

44

Yella yiwen n urgaz yeεya yettweṣṣi mmi-s γef uḍegger n yidrimen, maca mmi-s-nni ur yessemeḥsis ara. Asmi i d-yeḥder baba-s ad yemmet yenna-as: “A mmi, a-t-an usenduq-agi, yeččur d idrimen, asmi ara ten-tekfuḍ, (iwehha-as γer yiwen n umrar iεelleq di tzeqqa), ṛuḥ εelleq din iman-ik”.

Iεedda zzman, yemmut baba-s, netta yuγal γer yisurdiyen-nni, menwala ikellex-as. Medden akk d leḥbab-is. Tewweḍ-d teswaεt deg i yekfa usenduq-nni, iruḥ γer leḥbab-is ur yufi yiwen. Yeqqim-d weḥd-s, ula d lxudma ulac win ara t-yesxedmen acku ur iwulef ara s leεtab. Yuγal, yessen d acu i d ddunit, yemmekta-d amrar-nni i as-yemla baba-s.

Iruḥ ad iεelleq iman-is, yeγli-d, teγli-d deffir-s tyemmust n lwiz, yeffer-itt baba-s, dinna i ifhem tamsirt.
Yahia Yanes