Accueil Tamazight Tarbaɛt n ccna n Ɛin Zawiya

ILMEẒYEN, ASS-A

Tarbaɛt n ccna n Ɛin Zawiya

353

Akman, d yiwet n  teswiɛt anda qqimen yimdanen deg uxxam. Yal yiwen yettaf-d d acu ara yexdem. Ma d ayen i iccuden gar yimdanen d iẓeḍwa n internet imi ur ttemlilin ara. Dɣa d wagi kan i d-ttawil swayes i ttemsawalen neɣ i ttemlilin. Aṭas n yilmeẓyen i  ssnen medden s lmendad n yiẓeḍwa-agi, gar-asen Tarbeɛt n Ɛin Zawiya. D anwi-ten ? D acu i xeddmen ?

Tarbeɛt-agi,  d 04 n yilmeẓyen : Ahmed Mamouni , Rochedi Massaid, Mourad Taleb akked Nabil Mahmoud. Yiwen s ugambar, wayeḍ s derbuka d ugiṭar  akked taɣuct yesuzunen ulawen. Ssawḍen akken ad kecmen ɣer waṭas n yixxamen, ad suznen iɣriben yellan akkin i lebḥar di teswiɛt-agi qerriḥen anda mmsebɛaden yimdanen.

Icennayen-agi, xeddmen ayen iwumi neqqar “Srid” deg uẓeṭṭa n Facebook , cennun tizlatin n teqbaylit. Aṭas n yimdanen i ten-yeṭṭafaren, ttawḍen tikkwal alamma d 14K n wid i yettferriǧen.

Nestqsa Nabil Mahmoud

Melmi i tebdam cna ?
Nabil Mahmoud: Nebda di terbaɛt n ccna n Uxxam n yilmeẓyen n Ɛin Zawiya syin i yebda umecwar. Nuɣal nekk d Rochedi, nxeddem-d usriden deg uẓeṭṭa n Facebook akken kan ad nsɛeddi taswiɛt. Imi nwala yeɛǧeb-asen i yimdanen ayen i nxeddem, u simal rennun-d yimfarǧen, nufa-d iman-nneɣ ilaq ad nernu iɛeggalen-nniḍen ɣer terbaɛd i wakken ad nexdem axeddim igerrzen, axaṭer ticki ṭṭafaren-k aṭas n yimdanen d lwaǧeb fell-ak akken ad asen-d nheggi ayen i yelhan  .

Tettafem iman-nwen s waṭasɣer uẓawan caaɛbi ?
 -Yal yiwen deg-nneɣ d acu i iḥemmel, Ahmed akked  Rochedi, mmalen s waṭas ɣer tezlatin n tmeɣriwin, ma yella d nekk smenyifeɣ ccaɛbi .

Txeddmem yakan timeɣriwin uqbel aṭṭan-agi n Corona
-Ih , nxeddem deg taddart. Aṭas n tikkal i nettwaɛreḍ , maca akken nettwali seg wasmi i d-yeɣli waṭṭan-agi, neḥbes am medden irkelli .

Souhila Yamani