Karim Ben Ḥlima, d yiwen n uwellaf aneɣmas i iqeddcen deg uɣmis “Le Quotidien d’Oran”, teɣba tfekka-s seg wass n 20 yennayer yezrin, seld mi yeɣli seg yiwen n uẓru daxel n yilel deg tama n El Marsa ameqqran “Mers El Kbir”, mi yella yessezray akud s ugmar i iḥemmel netta d yimeddukkal-is.
Armi d ass n, 2 deg furar-agi i deg-i nella, i d-tban tfekka-s deg tama n usamar n yilel awehrani deg teftist n Kanastel, yeɛni 15 n wussan segmi iruḥ. Tikkelt tamezwarut mi t-id-tessuli terbaɛt n uḥuddu aɣarim, ur t-ɛqilen ara ma d netta, acku aṭas i teqqim tfekka-s daxel n waman n lebḥer, maca seld acraḥ n lǧessa-s sɣur umejjay yettuxeṣṣen, rnu mi t-walan wat twacult-is, ɛeqlen iselsa-ines.
« Akka ad thennin wulawen-nneɣ imi d-tban tfekka-s, ɣas ma qerriḥet tyita imi i iruḥ i lebda, maca xerṣum ad yesɛu aẓekka am wiyaḍ», i d-yenna baba-s n Karim. Akka daɣen ad d-ters tmella d wethedden ɣef wat twacult-is merra d yimeddukkal-is. Tamḍelt-is, ḥeḍren-tt waṭas n wudmawen, gar-asen lwali n Wehran, d yiɛeqqalen n tɣamsa. Fell-as rreḥma d talwit.
Khaled Achoui