Accueil Tamazight Tegla ula s Achour Idir

Tegla ula s Achour Idir

46
- PUBLICITÉ -

Ass-nni n larebɛa i yemmut umaray amatu n unmalu (sindika) n CLA, Achour Idir. Ɣef wakken i d-nnan, d ul-is i iḥebsen mi yella akked twacult-is deg Tichy, tama n Bgayet. Yesɛa 50 n yiseggasen deg leɛmer-is. Yella diɣ d aneɣmas u d imḍebber deg ukabar n PST. Yettwassen s umennuɣ-is ɣef yizerfan n yixaddamen deg sindika n yiselmaden n tesnawiyin n Lezzayer CLA. Am wakken I iqeddec diɣ deg unnar n tsertit ɣer tugdut akked yizerfan n umdan d tlelli n umeslay. Yesɛedda azal n 11 n yiseggasen ɣef uqerru n CLA: deg wasmi yemmut yiwen-nniḍen d ameẓyane u d netta s yiwet n ssebba, wagi d Redouane Osmane deg useggas n 2007. Yella Achour Idir yesselmad deg tesnawit Hamadia deg Bgayet. Yella gar wid i d-yeslalen Takufidiralit n sindicat u yessawlen, taggara-a, ɣer tilin n tama n Umussa aɣerfan i d-yeffɣen s abrid. Yenṭel ass-nni n lǧemɛa, 5 deg yebrir 2019, deg temdint n Tichy, deg lwilaya n Bgayet.

- PUBLICITÉ -

Hocine Moula

- PUBLICITÉ -