Accueil Tamazight Tegrareb tkerrust ɣer yilel

Melbu : Tegrareb tkerrust ɣer yilel

200
- PUBLICITÉ -

Deg yakk tiɣemmar n tmurt, ttkemmilen yibaxixen n ubrid gellun s terwiḥin, am wass am yiḍ. Ass n acer yezrin dɣa, 17 deg furar-a, yeḍra-d yiwen n usehwu ineqqen di tɣiwant n Melbu, mettwal 07:35 n tnezzayt. Ɣef wakken i d-yewwi Uḥuddu aɣarim n waɣir n Bgayet, d yiwet n tkamyunt tafessast, i yettwajerrden di tmurt n Tunes, i yegrarben ɣer ucruf rrif yilel, mi d-teffeɣ seg ufalu amezwaru n ubrid Jijel-Bgayet. Seld ayendin d anadi deg yilel sɣur yiɛewwamen n Uḥuddu aɣarim, s uḥḍar n kra n yimḍebbren n Suq Letnin d Melbu, ssawḍen yirgazen n usellek, ad d-suffɣen taɣtast tamezwarut.

- PUBLICITÉ -

Wa d argaz bu 32 n yiseggasen, s tmezwura n B. H, i ilulen di Tahir, tawilayt n Jijel. Seg yimir-n, ttkemmilen yinadiyen akkin i 500 n lmitrat seg rrif, sɣur Tegriwa (marine) taɣelnawt d Uḥuddu aɣarim, ma ad afen lǧettat-nniḍen, imi yezmer lḥal mačči yiwen n umdan i tuɣ di tkerrust mi teɣli, i d-tenna teɣbalut-nneɣ. Amattan-nni amezwaru yettwawi deg uzudyak ɣer teftist n Tasift, deg Suq Letnin, syinna tewwi-t tkerrust n usaɛef i texxamt n yimattanen n tzeqqa n udawi n Suq Letnin. Ad d-nesmekti d akken, mi yesla s twaɣit, yerza Mass lwali ɣer umkan-nni akked kra n yimḍebbren-nniḍen, ad d-steqsin ɣef taluft.

M. K.

- PUBLICITÉ -