Accueil Tamazight Tendeh tmes deg yiwet n tkebbanit

Wehran

Tendeh tmes deg yiwet n tkebbanit

78
- PUBLICITÉ -

Simal ttnernayent tfesniwin n lḥamu deg wussan-a, simal ḍerrunt-d kra n twaɣiyin i d-igellu ucayaḍ-agi. Am yal tikkelt n lweqt-a n unebdu, d times i yettnekkaren deg tẓegwa deg berra neɣ daxel n tkebbunay d lluzinat, s ssebba neɣ s tayeḍ.

- PUBLICITÉ -

Dɣa akka i teḍra yiwet n twaɣit ass-nni n arim deg tama n Arzew deg twilayt n Wehran, ladɣa tama-a d tin i yettwassnen s waṭas n tkebbunay n lpitrul, acku d tamnaḍt n temguri. Times-a meqqren, tendeh-d seg uqadus agejdan i yettmuddun lgaz ɣer tzeɣwa n ujmaɛ deg yiwet n ufares tapitrukimyawit, d ayen i as-d-yeglan s usṭerḍeq meqqren, slan-as-d yakk wid izedɣen tamdint-a n Arzew d wid i as-d-yezzin i d-ffɣen ad walin d acu d ssebba n wabbu-a i yeqqimen ugar n 3 n tsaɛtin yettali deg yigenni.

Ɣef talɣut n yiɣallen n usellek d uḥuddu aɣarim n Wehran, i d-yegren iman-nsen imir kan i usensi n tmes, d akken d tin i d-inedhen deg yiwet n tmacint uṭṭun 400, uqbel ad teffeɣ anda-nniḍen. Ɣef waya, 60 n yimsexsiyen i d-yellan deg unnar akked sin n yikumya imeqqranen i yettuxeṣṣen deg usexsi n tmes n tkebbunay.

Ma ɣef wayen i d-tessegra twaɣit-a, ad naf 4 n yixeddamen i ijerḥen, ad sɛun gar 30 d 40 n yiseggasen, wwin-ten srid ɣer sbiṭer n umenzu n unbir ad setkelfen s tdawsa-nsen. I usmekti, yiwet n tmes yecban tagi, tekker deg temdint n Skikda sin n yiseggasen-aya.

KH. A.

- PUBLICITÉ -