Accueil Tamazight Tender tmes ugar n yilidi

Bgayet

Tender tmes ugar n yilidi

103
- PUBLICITÉ -

Gar yunyu 2018 d yunyu 2019, nezmer ad d-nini d akken amḍan n wid yenḍeṛṛen deg teftisin n Bgayet yenqes. Ayagi dɣa d ayen yeṣefṛaḥen nezzeh, yerna yettwekkid-d d akken iqeddacen n Uḥuddu aɣarim bedden ɣef uxeddim-nsen akken ilaq.

- PUBLICITÉ -

Ccil yerna umḍan n teftisin yettwaεussen, dɣa aseggas-a yelḥeq ɣer 34, imi llant ilindi 33 n teftisin kan, lameεna iqeddacen n Uḥuddu aɣarim gren iman-nsen deg 585 n tuffɣiwin deg wayyur n yunyu n useggas-a. Ma yella deg win n 2018, gren iman-nsen deg 1175 n tuffɣiwin. Rnu ɣer waya, deg yunyu n useggas yezrin, selken-d 422 seg lmut timḥettemt, ma yella deg win n useggas-a tuder-d ɣer 302 n yimdanen, yerna ulac wid yemmuten s uɣṛaq.

Ma yella seg tama n tmes, deg yunyu 2018, tender deg 41 n yidigan, anda i gren yiqeddacen n Uḥuddu aɣarim deg 44 n yineḍṛuyen. Dɣa teṣṛeɣ tmes-a ugar n 8,4 Ha n yimɣan, deg-sent 36 n ttjuṛ n yigumma. D acu kan, deg yunyu n useggas-a, yuli nezzeh umḍan n tmes, imi tender deg 216 n yidigan, anda i teṣṛeɣ ugar n 90 Ha n yimɣan, gar-asen 800 n ttjuṛ n yigumma.

Ɣer taggara, ɣef yisehwa n yiberdan, wwḍen-aɣ-d yisallen belli deg yunyu 2019, llan 252 n yisehwa, deg-sen jerḥen 337 n yimdanen, mmuten kṛaḍ-nniḍen. S umata deg uṣḍiṣyur n 2019 ḍṛan 934 n yisehwa, anda i jerḥen 1144, mmuten 22.

K. K.

- PUBLICITÉ -