Yella-d ass n aram iɛeddan 16 deg yebrir ukemmel n temsizzelt imruyen n tmurt-iw yebdan deg waggur n duǧamber 2018 s lmendad n tneɣlaft n usedwel taqdimt Massa Nurya Ben Ɣebriṭ. Tella-d temlilit deg tesnawit Luṭfi, teḍra-d ass-nni n ttlata imi azemz n 16 yebrir yettuɣal-d i lmend n wass n tmussni. Timlilit-a, ḥeḍren-tt; lwali n Wehran, anemhal n usedwel, aɣella n Umeẓlu n usileɣ deg tenmehla, imaswaḍen n tutlayin d kra n yinemhalen d yiselmaden yettuɛegnen d nutni ara yesselḥun akud d wahil n wass s usenɛet n tarrayin i d-yewwi ad tent-ḍefren yinelmaden imttekkiyen, ladɣa mi ḥeḍren ula d inelmaden-a deg temlilit yettuneḥsaben amzun d asileɣ amecṭuḥ.
Ma d ayen yerzan tutlayt n tmaziɣt, llan ukuẓ n yinelmaden d igensasen n tutlayt n Dda Lmulud, sin seg uɣerbaz amenzu, sin seg uɣerbaz alemmas, d tinelmadin akken llant, ɣer tama-nsent, llant snat n tselmadin yesselmaden yakan di Wehran. Gan-t asileɣ i tnelmadin-a akken ad ssiwḍent ad d-arunt tamacahut neɣ aneḍruy amazray neɣ tanfalit akken tebɣu tili, ladɣa imi arrac-a ur ttmeslayen ara taqbaylit akken ilaq anagar yiwet n tnelmadt. Mi tekfa temlilit tameddit, nnan-asen-d yakk i wid yellan din ad uɣalen azekka 23 deg yebrir ɣer yiwet n tesnawit i d-yezgan deg tama n Kanastel, din ad d-yili ukemmel n wahil, akken ad d-banen yinelmaden ara iɛeddin ɣer uswir aneggaru ara d-yilin deg wayyur n yulyu.
Khaled Achoui