Accueil Tamazight Tiɣri i uttekki deg temsizzelt Mohand Akli Haddadou

Tiddukkla tassnatmettit Agraw

Tiɣri i uttekki deg temsizzelt Mohand Akli Haddadou

239

Tberreḥ-d tddukkla Agraw, deg usebtar-is, d akken ad bdun ajarred n wid ara ittekkin deg timsizzelt  « MUḤEND AKLI ḤADDADU » Di tezrigt-is tis 2.  D tikkelt tis kraḍet ara d-tili tezrigt n Araw n udlis. Tessawal i yimdanen d yimseklanen ad d-nnubgin ɣur-s i wakken ad as-cebbḥen tameɣra-a am wakken i cebbḥen timeɣriwin yezrin. Ɣef waya, tikkelt-a daɣen ad d-tesbedd arraz i wid ara d-yifriren deg tsekla tamaziɣt. Arraz ifazen deg tenfalit n tmaziɣt, di tewsatin yemgaraden am wungal, tullist aɛerruḍ deg umezgun… atg. (s ufran n yimzerfen). Ɣef waya ad d-tger tiɣri i yimttikkiyen i wakken ad sersen imahilen-nsen idelsanen deg Uxxam n tddukkli s tansa-nsen s ufella n yal asebter. Asrusu n yimahilen, ad d-yili  send azemz n 15 maggu 2021.

Tiwtilin n uttikki d tigi

 -Yewwi-d ad yili usiẓreg n yimahilen gar useggas n 2018 d 2020.

 -Asiẓreg s ufus neɣ s ttawil yeffɣen i uṣaḍuf ur yettwaqbal ara.

-Ilaq ad sɛun yidlisen ugar tawinest(100) n yisebtar.

-Taddukkli, tezmer ad tessuter ugar n talɣut ma yella usrusu n ukatar n uttikki yerza amaru yemmuten i wakken ad tḥareb ɣef yizerfan n wid-is.

Asrusu n ukatar n uttikki

 -Tuttra n uttikki s tezmilt n bab-is deg ufaylu umḍin (scaner).

-Adlis s talɣa pdf.

-Tawlaft n tduli n udlis s talɣa jpg (scaner).

-Tameddurt n umeskar ad yili deg-s yisem-is, tansa-s, uṭṭun n tilifun-ines d E-mail.

-Agzul n ugbur n udlis.

Yessefk ɣef yimura d yimeskaren iran ad ttikkin, ad d-ceyyɛen akatar-a n uttekki-nsen ɣer tansa-ya : [email protected] Yessefk ɣef umttikki ad d-yawi kraḍ (03) seg yidlisen-is ɣer Uxxam n tddukkla «AGRAW» i d-yezgan di taddart n Texlijt, deg Uẓru At Cemmini, agezdu n Bgayet.

Souhila Yamani