Anwa ur njeṛṛeb taswiεt n ṭṭiq, anwa ur d-nεeddi ɣef teswiεin anda ur yeḥwaǧ acemma, ala tiqqit n usirem ara as-d-yerren lebɣi i wakken ad ikemmel tudert-is. Ɣas yella win ur d-iεeddan ara s timmad-is seg teswiεt-a, meεna ahat d yiwen s wid iḥemmel i teεna temsalt. Akken qqaren yimezwura, acemma ur yettdum, ass-a, inek, azekka, inu. Ass-a tiwaculin Cerkun d Gendur, grent-d tiɣri i wid yesεan ul ḥninen, i wid izemmren ad asen-yefken afus n tallelt i yelli-tsen Nuṛa yuḍnen aṭṭan n uxenzir n yidmaren. Nuṛa i yeccenṭutfen deg usirem, nettat akked kṛaḍ n warraw-is, tessutur-d ad tt-nεiwen yal yiwen s wayen iwumu yezmer.
Ad d-nesmekti d akken, di tamurt n Lezzayer, ulac ttawilat iwulmen n udawi n waṭṭan-a. Daymi i truḥ ɣer tmurt n Fransa i wakken ad tdawi dinna. Lameεna, ddwa i as-d-fkan yemsujiyen beṛṛa n tmurt, ɣlay aṭas, yerna tawacult-is mačči d tin yesεan. Ihi i kra n win yebɣan ad as-yefk afus n tallelt ama s ttawil n CCP ɣer wuṭṭun : 4277012 CLE 66, neɣ s win n usiwel ɣer wuṭṭun : 0663389400 di tmurt, neɣ di Fṛanṣa 0033758608756.
K. K.