Accueil Tamazight Tiddukkla Big Heart deg unnar

I tikkelt tis xemsa

Tiddukkla Big Heart deg unnar

85

Aṭas n wid iḥemmlen tagrest anda tawacult ad d-nejmaɛ tameddit n wass, ad afent ixxamen-nsent ḥman, tewjed tgella. Yeḥma wussu i wakken ad sgunfun seg ɛeggu n wass , ad kecmen deg tirga n yiḍ. Maca, llan wiyaḍ, ttagaden tasemhut-a, acku ur sɛin ara s wayes ara tt-qablen. Ixxamen-nsen, tezdeɣ-deg-sen tasmuḍi d lexsas n wučči. Ɣef wanect-agi, i d-thegga tddukkla Big Heart n Tizi Uzzu yiwen n leqdic deg unnar i lfayda n yimeɣban. Am yal aseggas, tettili di ttiɛad akken ad ɛiwnen yiɛeggalen-is imeɣban ur nesɛi ara sqef anda ara ddurin mgal tagrest. Tebda leqdic tddukkla-agi s wudem unṣib seg useggas n 2013.

Ihi, tberreḥ-d Big Heart deg usebtar-is n facebook i kra n win yebɣan ad iɛiwen imeɣban-agi, yal wa s wayen iwumi yezmer, ama s iceṭṭiḍen, ama s tduliwin neɣ ɛad s yidrimen. I wid yebɣan ad ɛawnen tiddukkla n Big Heart, zemmren ad asen-ssiwlen ɣer wuṭṭun : 05 58 59 84 49 , neɣ s ttawil n tansa-nsen : Big-heart-family@hotmail.com. Nesteqsa yiwen seg yiɛegggalen n tddukkla, a-t-an d acu i d-yenna : «Leqdic-agi, ad yili di sin n wussan : ass n 20 akked 21 duǧember i d-iteddun. Ad nexdem igrawen ara iferqen iceṭṭiḍen i d-nejmeɛ i twaculin i wakken ad sɛeddint tagrest di laman».

Y. S.