Accueil Tamazight Tifin n later s yisekkilen n tifinaɣ

Kanada

Tifin n later s yisekkilen n tifinaɣ

130

Lqay umezruy n Yimaziɣen. Acḥal d leqrun i d-yezger seg tudert taqburt ar ass-a, tasuta tettemlil tayeḍ. Taggara-a, tuget n tussna d unadi i d-yessekfalen iɣerfan i d-izegren lesnin, gar-asen aɣref amaziɣ iɣef d-yettili waṭas n wawal yettawḍen tikwal ɣer tkerkas d ccek ma aɣref amaziɣ d tidet d amaziɣ. Ayen d-yettaken ttbut, i d-yessebganen amezruy n tidet n yimaziɣen seg yimezwura i d-yusan ɣer talsa, d later i d-yettbinen seg tikkelt ɣer tayeḍ deg kra n temnaḍin, taneggarut d tin i d-ibanen deg lwilaya n Sṭif aseggas yezrin i d-yeqqaren belli aɣref amaziɣ d aɣref yellan d igiman n yiseggasen-aya.

Imalas yezrin, banen-d deg tmurt n Kanada yiẓra yettwaneqcen s tira n yisekkilen n tifinaɣ deg wadeg yellan deg tegzirt (Oak Island) deg Nouvelle-Ecosse. Idɣaɣen-a, banen-d deg yiwen wanu d aqbur, ɣef telqey n 27 n lmitrat d akessar. Ddeqs n yimnadiyen i iɛerḍen ad d-afen later n unamek n yizamulen-a, ma d turda iɣef mwatan, d akken d yiwen n yizen i d-ǧǧan ipiraten i d-yekkan seg tegzirt-nni, annect-a yettuɣal ɣer wugar n 1 000 n yiseggasen send Christophe Colomb.

Kh.A.