Accueil Tamazight Tikli (La marche) n Abderrahmane Yefsah

Ajdid deg tira

Tikli (La marche) n Abderrahmane Yefsah

104

Tikli (La marche), d adlis wis 5 n umaru Abderrahmane Yefsah i d-yeffɣen iḍelli, 14 deg yunyu 2020.

Ungal-a i d-yeffɣen deg umulli wis 19 n Tikli tameqqrant i xedmen yiqbayliyen ass n, 14 deg yunyu 2001, yewwi-d awal dɣa ɣef wamek i d-yemlal yiwen umjahed akked sin n yimdanen yemyeḥmalen deg yiwet n tikli anda i d-selken itbir i yellan yettwaḥbes. S ttawil n udlis i d-yettwakksen deg ujajiḥ n tmes, ssawḍen ad srifken itbir i yeddan d yisekkilen deg dexxan n tmes . Llan d imezwura deg tikli, ihi kra yeḍran ɣef tiṭṭ n wid yellan deffir-nsen. Uqbel ad d-yemlil Haroun akked umjahed deg tikli-agi, yuɣ lḥal yemlal d yiwet n tmeṭṭut asmi i iruḥ ad yerr tajmilt i yiwen n umeddakkel-is i yewwi uḥemmal n Bab El Oued deg useggas n 2003. Din, twala-t-id yiwet n tmeṭṭut, iban-as-d am wakken tessen-it yakan. Seg yimir, yella-d wassaɣ d ameqqran gar-asen. Yettwaṭṭef, wwin-t netta d kra n yimdanen i yennejmaɛen sdat n Useqqamu aɣerfan aɣelnaw. Wwin-ten imi yegdel unejmuɛ. Seg usteqsi ɣer wayeḍ, seg ẓẓmik ɣer wayeḍ, armi i as-d-uɣalen waktayen-iwellihen i as-idergen 27 n yiseggasen uqbel-aya. Syin, serḥen-as-d imi ulac ttbun ɣef tuṭṭfa-ines, yerra srid ɣer tikli akked tmeddakkelt-is. Ilul umeskar, Abderrahmane Yefsah, deg Taddart Tala Ɛmara, lwilaya n Tizi Uzzu. Yuseffeɣ-d adlis-is amezwaru ‘’ Caïn tua Abel’’, deg useggas n 2012 i yewwin arraz wis sin Tahar Djaout. Deg useggas n 2015, yerna-d ’’Souviens-toi O Algérie, de Smail Yefsah et de tous les autres’’. Deg useggas n 2017, yeṭṭef-d asebɣes sɣur taseqqamut n uktazal n Tesbeddit Alain Décaux ɣef tullist-is ‘’Un citron pour la chorba de maman’’. ‘’Tamda n leblat/Taourga, ou la légende d’Ahmed Ou Omar, la Kabylie au XIX siècle’’, d adlis-is wis rebɛa.
Hocine Moula