Accueil Tamazight Tikli n yinelmaden mgal adabu

Tasdawit Lmulud At Mɛemmer n Tizi Uzzu : Tikli n yinelmaden mgal adabu

65
- PUBLICITÉ -

D ass n tefsut, d ass n tmussni, aram, 16 deg yebrir 2019, ffɣen-d yinelmaden n tesdawit Lmulud At Mɛemmer s abrid i wakken ad d-inin ala i udabu-agi yellan tura akka, u sbeggnen-d tamuɣli-nsen lqayen mgal-is. Inelmaden am nutni am yakk agdud azzayri, ɛyan seg waddad ideg tella tmurt-nsen ɣef waya, ilaq ad iruḥ udabu-a. Tikli-a n yinelmaden, tella-d s rray i teṭṭef Tasmidegt tadigant n yinelmaden CLE.Inelmaden lḥan si Hesnawa armi d zerg MAƐTUB Lwennas. Di tikli-a, anda ttrefrifen-t tekbabtin ama d azzayrit ama d tin n yimaziɣen. Sunɣen-d yiwet n tfelwit icebḥen, yeččuren d anayen d usirem yellan deg wulawen. Llant-d diɣ tebluzin anida i nezmer ad d-nɣer : “Tamazɣa d laṣel-iw, Lezzayer d tamurt-iw”, “Inelmaden, bɣan ad yeɣli udabu…”

- PUBLICITÉ -

Leḥḥun yinelmaden cennun tizlatin n Meɛtub, Uleḥlu d Ali Ideflawen… Ddukklen s umata ɣef yiwen n wawal, ɣef yiwet n tikti, i Lezzayer tilellit, Lezzayer tasget, Lezzayer tamagdayt akken i tt-ssurmen wid yemmuten fell-as di tallit n ṭṭrad. Ma yella aṭas i yettwaxedmen segmi i d-aɣ-id-yelli Dda Lmulud abrid u yesbeggen-aɣ-d tamuɣli ɣef wamek i nella, ilaq tura ad nebnu imal-nneɣ s wayen i d-aɣ-ijemeɛen mačči s wayen i d-aɣ-iferqen, u ad nɛawed ad naru amezruy n Lezzayer ! “Adabu-a, ilaq ad yettwakkes seg yiẓuran, u tamurt ad tuɣal i warraw-is ladɣa i yilmeẓyen d yinelmaden, imi d nutni i tasuta tamaynut ara d-yawin abeddel akked talwit i tmurt-nsen”, id yenna Mass Aɣilas Cebbalah, aferdis n CLE. Syin akin, snemmren yiɛeggalen n CLE inelmaden i d-yerran i teɣri-agi tis-snat u fkan-asen ttiɛad i tikkelt-nniḍen. “I wakken ad iserreḥ wayen yettwarzen”. Dahlal Chanez

- PUBLICITÉ -