Accueil Tamazight Timlilit taseklant tis 16 di temkerḍit tagejdant n Tizi Uzzu

Timlilit taseklant tis 16 di temkerḍit tagejdant n Tizi Uzzu

92

Ass n, 21 di furar 2019, ɣef 14h, tella-d yiwet n temlilit n tsekla akked temyarut Lynda Cwiten i yeɣran tasekla taglizit, deg temkerḍit tagejdant n tɣuri tazayezt n Tizi Uzzu. Timilit i yezzin ɣef ungal-ines  » Pôv Cheveux  » s tutlayt n tefranṣiṣt. Deg-s, temmeslay-d ɣef tlelli n tmeṭṭut d yirgazen i ttbessifen ɣef tlawin-nsen kra n tɣawsiwin u nutni xeddmen lebɣi-nsen. Tessegzi-d temyarut asentel n ungal-is i d-yeffɣen deg usseggas n 2017 ɣer tezrigt El Kalima.

Deg tzeqqa n yisaragen n temkerḍit, llan-d yimeḥḍar n lḥerma deg-sen: Ali Ferεun, anemhal n Uxxam n yidles Mulud At Mεemmer d tnemhalt n yidles Massa Nabila Gumeẓian d yimferǧen-nniḍen i d-yefkan isteqsiyen mi d-yella uskasi, anda i asen-d-terra temyarut s wul zeddigen. Di taggara n temlilit, fkan agerdas n utteki i temyarut, u syin yella-d usenzi n yidlisen s ubuddu. Tesɛa temyarut Lynda Cwiten ifarisen i d-sewwǧad i useggas-agi n 2019 u alaḥsab akken i t-id-tenna, ad ilin sin n wungalen imaynuten.

Dahlal Chanez