Accueil Tamazight Timsizellt n tiytiwin iweqqmen ɣef nnican

At Smaεel : Timsizellt n tiytiwin iweqqmen ɣef nnican

69
- PUBLICITÉ -

I lmend n yennayer 2970, thegga-d tddukkla n yiṣeyyaḍen  » Adrar n Takkuct  » n At Smaεel yiwet n temlilit s wazal-is. D tin ara d-yessemlilen ddeqs n yiṣeyyaḍen n twilayt n Bgayet. Ttiεad-a, ad yili d timsizzelt i wid yesεan tarmit deg tiyita s ṭerṣaṣin ɣef nnican. Am wakken ad d-yili d tagnit i wid i iḥemmlen ṣṣyaḍa akked tẓuṛi-s, i wakken ad d-sbeyynen tizemmar-nsen deg-s. Ad d-nesmekti d akken, mačči d tikkelt tamezwarut i xeddmen yimḍebbṛen n tddukkla  » Adrar n Takkuct « timlilit-a, imi tura tuɣal-asen d tannumi.

- PUBLICITÉ -

Neɣ s unamek-nniḍen, rnan-tt-id d lεada i leεwayed i tekseb yakan tɣiwant n At Smaεel. Ladɣa imi timliliyin yezrin εeddant akken ilaq, rnu hwant nezzeh, ama i yimezdaɣ n temnaḍt-a, ama i yinebgawen i d-yusan seg yal tamnaḍṭ n twilayt n Bgayet. I yisalli, tarbaεt n yiṣeyyaḍen n At Smaεel, tella seg tid i yeṭṭfen imeḍqan imezwura, daymi i d-tewwi ddeqs n warrazen. Ma yella ɣef lawan n temsizzelt-a, ad d-tili ass n, 11 yennayer 2019.

Deg udrar n Takkuct, taɣiwant n At Smaεel. Ihi i kra n win yebɣan ad itekki, yewwi-d fell-as ad yesres akaram-is uqbel n, 08 yennayer i d-iteddun. Dɣa ilaq-as ad d-iseddu deg-s, takaṛḍa n tmagit, tawlaft-is, akked 2 000 n yidinaṛen d azref n utekki. Imi i d-nebder azref n utekki, yewwi-d fell-aɣ ad d-nini belli aṭaṣ n medden i yettcektin fell-as, acku ɣef leḥsab-nsen, ur ilaq ara ad yelḥeq ɣer ssuma-a.

K. K.

- PUBLICITÉ -