Tessuffeɣ-d tneɣlaft n usedwel aɣelnaw, Massa N. Ben Ɣebriṭ ulɣu yerzan iselmaden n kraḍ n yiswiren. Tenna-d d akken ad d-yili ukayad wis sin n uɛeddi ɣer uswir ɛlayen ɣef win ideg llan akka tura. Iselmaden-a d wid ur nesɛi ara zzher, ur d-neddi ara deg temsizelt-nni i d-yellan ass n 15 yennayer iɛeddan. Dɣa imi d-ugaren yidgan wiyaḍ, tessuffeɣ-d tneɣlaft isalli-a, d tagnit tis snat i yiselmaden-a akken ad alin ɣer uswir n uselmad unṣib d uselmad amsileɣ deg tlata yiswiren. Ad d-yili ukayad deg wass n 16 meɣres 2019 seg 8h ar 16h n tmeddit, ma d lkaɣeḍ n uncad (convocation) ad yili wwin-ten-id deg yiɣerbazen uɣur ttabaɛen ussan n 4 d 5 meɣres yezrin.
Kh. A