Accueil Tamazight Tiwaɣiyin n ubrid

Tiwaɣiyin n ubrid

53

Mazal tiwaɣiyin n yiberdan, ḥeggsent tirwiḥin yal ass. Deg wazal n 07 wussan kan, gar 07 furar armi d 13 deg waggur-a n meɣres, mmuten 36 n yimdanen d wazal n 198 n yimejraḥ deg 126 n yisehwa n ubrid i d-yellan imalas yezrin deg temnaḍin yemgaraden n wakal aɣelnaw. Ɣef leḥsab n wulɣu n tenmehla n yiɣallen n laman, taḥawact-agi n useggas-agi xir n tinna n yinindi. Yenqes daɣen umḍan n yisehwa ɣef leḥsab n yimalas yezrin s 5, am wakken i yenqes umḍan n wid yemmuten s 5 daɣ. Ma d amḍan n yimejraḥ yenqes s 47. D lwilaya n Lezzayer tamaneɣt ideg i d-tella tḥawact tameqqrant akk s 14 n yisehwa, ideg mmuten 5 n yimdanen yerna jerḥen 14. Amkan wis sin teṭṭef-it Blida s 9 n yisehwa, ma d wis kraḍ teṭṭef-it Mdeyya s 8 n yisehwa. 83% seg yisehwa-a, ssebba-nsen d lɣelḍa n umdan am uzrab n unehhar, azwiri amihaw d yir aqader n umeccaq n tɣellist, ɣef wakken i t-id-yenna wulɣu-agi.

Gh. A.