Mbaεd aseggas n leεḍil deg ttiεad n ureṣṣi n yiwet n terbaεt n yiɣallen n usellek deg tlemmast n dayra n Mεatqa, treṣṣa iman-is yiwet n terbaɛt n usellek deg wass n letnayen iεeddan, 24 deg wagur n yulyu 2019, deg uɣerbaz amenzu n taddart n Buḥamdun.
Imḍebbren n snat n tɣiwanin n dayra, fernen-d yiwen umḍiq deg tɣerɣart n tɣiwant n Mεatqa, anda yettuεeggen ad d-yettwabnu yiwen umḍiq n ugani n yiɣallen n usellek. Asalli-agi yussa-d deg lmendad n yimezdaɣ n dayra, yeddren tiswiεin i iweεren aṭas deg yiseggasen iεeddan s ssebba n tmes yeččan ula d ixxamen deg kra n tudrin n dayra.
S lferḥ meqqren i mmuggren asalli-agi. Tarbaεt-agi n yiɣallen n usellek, ad txeddem 7/7h d 24/24h deg wass. Ad ilin deg yal tawaɣit ara d-yeḍrun deg Mεatqa, ad d-illin i useḥbiber n lerwaḥ n yimezdaɣ.
Ad d-nemekti kan d akken rray-agi n ureṣṣi n tarbaεt agi, yussa-d mbaɛd leblan ṭṭfen yimḍebbren n yiɣallen n usellek yefsin asbak ɣef yimeḍqan n ugani, i isbken acḥal-aya s ssebba n uɣbel n lexṣas n tedrimt i iḥuzan tamurt n Lezzayer. Rray-agi, yella-d deg waggur iεeddan, anda i d-yella ufsay ɣef 11 n yimeḍqan n ugani n ttrebuyaε n yiɣallen n usellek.
Ali Zalouk