Accueil Tamazight Ttcektin medden seg tfakturin n trisiti

Timetti : Ttcektin medden seg tfakturin n trisiti

55
- PUBLICITÉ -

Seg yisental iɣef ttmeslayen yimdanen ussan-a, imi d ayen i ten-iceɣben, d ssuma n tfakturin n trisiti i yulin nezzeh. Ladɣa, deg ukṛadyur-a aneggaru. Ayen i ten-yeǧǧan wehmen ugar, amek armi d tura i teεlay ssuma n lexlas, di lawan anda ur seddayen ara medden trisiti s waṭas. Rnu i waya, tamsalt-a, tusa-d deg wakud anda i d-yennulfa waṭṭan n Kuṛunu, dɣa ula d ssumma n upitṛul tuder-d. Γef leḥsab n udiwenni i d-newwi akked kra deg-sen, qqaṛen-d belli d imḍebbṛen n SONELGAZ i d ssebba n waya. Ayagi imi, ttεeṭṭilen ugar n ukradyur i wakken ad ceyyεen i medden tifakturin-nsen. Yerna tamsalt-a, d ayen i ten-isuεden s tidet, acku imir-n, yettekcam umsuder (consommateur) deg uḥric wiss kṛad, neɣ deg win n ukuẓ n lexlaṣ. Ɣef usentel-a, yenna-aɣ-d yiwen : «Mačči d tikkelt i tɛeṭṭel tfakturt i wakken ad telḥeq, yerna imir-n d nukni i yettxelliṣen aɛeṭṭel-a.

- PUBLICITÉ -

Ayen iɣef sḥassfeɣ ugar, llan wid ur nefhim amek i xeddmen leḥsab n ssuma n trisiti, ihi ur ẓrin belli aɛeṭṭel-a ur yelli i ubaɣuṛ-nsen». Ddeqs n tnagiwin n yimdanen i aɣ-d-iwekkden d akken s tidet yella waya, ula d tuddsa Tazzayrit n uḥuddu ɣef umsuder, deg usebter-is, temmeslay-d ɣef uɣbel-a. Ad d-nesmekti d akken, yella-d umeslay daɣen, belli rnan ula i tẓeṭṭaṭ (taxe) ɣef tnezduɣt, imi tuli seg 150 n yidinaṛen, armi d 600 n yidinaṛen. Ayagi, mebla aṣexbeṛ n medden. Ula d ineggura-a seg tama-nsen, ssuturen sɣur yimasayen di Sonelgaz, ad d-seggzin taluft-a n ubeddel, d tmentilt-is.

K. K.

- PUBLICITÉ -