Accueil Tamazight Ttheggin yimezdaɣ i ulqaḍ n uzemmur

Ayt Smaɛel : Ttheggin yimezdaɣ i ulqaḍ n uzemmur

53
- PUBLICITÉ -

Tewwi-d tlemmast-a n ḥertadem kra n ubeddel di lɛada n yal ass n yimezdaɣ. Ssebba n waya d tirza ɣer lexlawi d yiɛerquben i ufras n tzemrin d ubraz n yimeḍqan. Aṭas n twaculin i igan ihi tirziwin tinsayanin n usefqed ɣer yiɛerquben-nsent akken deg-s, ad walin amek iga uzemmur d wacḥal turew tzemmurt, deg-s ad fersen tizemrin d tallunin seg yinijjel d wayen akk i izemren ad yili d asergel i tleqqaḍt igerrzen seg yakk tamiwin. “ Nesɛa tirziwin-a d tannumi seg zzman aqbur. Yal mi ara yebdu itewwa uzemmur, bab n uɛerqub ad iẓur ayla-s, ad imuqel acu ara yefres.

- PUBLICITÉ -

Maca tura ur rezzun ara dima am nekni zik. Tasuta n tura, tettmektay-d kan tizemrin di lawan n uzemmur », i d-tenna yiwet n temɣart. Seg tama n tarewt, ɣef wakken i d-nnan wat tzemrin, ur yeɛdil waddad seg temnaḍt ɣer tayeḍ. Deg tɣiwant n Ayt Smaɛel, llant temnaḍin ideg yurew uzemmur, abeɛda deg tzemrin i d-yezgan rrif n ubrid, am wakken llant tiyaḍ ala kra n yiɛeqqayen i tzemreḍ ad twaliḍ deg yifurak.Ɣur kra n yiɣermanen n Ayt Smaɛel, icudd waya ɣer yibeddi d tzemmurt akked usgunfu-ines, imi tazemmurt tikwal am tmeṭṭut, tebɣa ad tesgunfu seg tarwa ɣer tayeḍ.

Maca ɣur yimdanen-nniḍen, tamentilt n waya d tadyant i iḍerrun i twennaḍt s uddebdeb akuluji akk i d-yellan. «Akken ad tarew tzemmurt s ṭṭaqa, ilaq ad tili di tdawsa igerrzen. Akken ad tili di tdawsa igerrzen, ilaq ad taf iman-is deg ugama i tessen, ad tsew aman n ugeffur di lawan, ad tt-yezwi waḍu, atg. Maca nesḥassef imi mačči d ayen i nettwali di tallit-a tamirant », d awal n yiwen n urgaz seg Ayt Smaɛel.

M. K.

- PUBLICITÉ -