Accueil Tamazight Tuɣalin ɣer uɣerbaz

Xeṛṛaṭa : Tuɣalin ɣer uɣerbaz

94
- PUBLICITÉ -

Amek i d-nenna ussan yezrin, llan yiɣerbazen di Xeṛṛaṭa ur uklalen ara isem n uɣerbaz, acku ur ksiben ara ula d ttawilat imecṭah i ilaqen ad d-ttuhiggin i yinelmaden iṭuṭiḥen, ladɣa taɣellist (Sécurité), tezdeg, d umḍiq i iwulmen i tɣuri.

- PUBLICITÉ -

Imawlan n yigerdan-a, fernen ad gren dderya-nsen deg yir addad, axir ma qqimen deg yixammen-nsen, ad semḥen di tmussni. Ɣef waya i ṣebren i wayen yellan. Meεna deg yimuṛas-a, furṣen tagnit i wakken ad qeɛεden ayen i d-yewwi ad yettwaqeεεed, daymi dduklen ddeqs deg-sen deg kra n yiɣerbazen di Xeṛṛata, i wakken ad d-ssizedgen kra deg-sen. Amedya d ayen i gan deg uɣerbaz amenzu n taddart n Ṭtabya deg tɣiwant n Xeṛṛata.

Dɣa, dehnen leḥyuḍ-is, berrzen tineɣriyin, yerna ssizedgen-tent i wakken ad tteklen d akken arraw-nsen deg laman ara ilin di tuɣalin-a. Seg tama-nniḍen, deg tɣiwant n Draε n Lqayed, texdem tddukkla n yibabaten n warrac akked kra n yimezdaɣ n taddart n Ṣṣnaḍla leqdic igerrzen.

Qeεɛden aɣerbaz alemmas n Xennic Sliman i wakken ad t-id-afen yinelmaden d yiselmaden ihegga. Iqeddicen-a, εejben nezzeh imezdaɣ n tuddar-a, acku iswi-nsen d yiwen; ad ḍemnen tudert yelhan i unelmad, i wakken ad ssiwḍen ɣer yigemmaḍ igerrzen. Ad nekfu s wawal n yiwen n uselmad i yellan d ababat daɣen: «Nessaram leqdicat am wigi ad ttilin mkul taggara n ddurt. Imi ayen yelhan yelha, am wakken i ssarameɣ ula d iɣerbazen-nniḍen ad ḍefṛen tikti-agi».

K. K.

- PUBLICITÉ -