Accueil Tamazight Tullya n wadur Wehran – Anṭalya

Wehran

Tullya n wadur Wehran – Anṭalya

94
- PUBLICITÉ -

Ad yettwaseǧhed ujerriḍ n yigenni n Lezzayer s yiwen n wadur d amaynut. D win ara icudden gar temdint n Wehran d temdint n Anṭalya deg tmurt n Tturk.

- PUBLICITÉ -

Inig ad yettruḥu seg usafag aɣelnaw n Wehran srid, ad yili yiwen n yinig deg wass ɣef teɣzi n sin n wagguren n yulyu d ɣuct. Tullya n wadur-a, tusa-d seld isuturen i d-yellan sɣur iminigen i yetteffɣen ɣer tmurt n Tturk, i d-yenna unemhal amnaḍan n ujerriḍ n yigenni n Lezzayer. yerna iwekked-d belli aṭas i iḥemmlen ad ruḥen ad sɛeddin imuras-nsen deg temdint-a timerrit.

D tagnit daɣen i yimezdaɣ n tama n umalu n tmurt akken ad inigen war leɛtab, acku zik seg usafag n Lezzayer tamanaɣt kan i yezmer yiwen ad iruḥ ɣer temdint n Anṭalya, d ayen i yettḥettimen fell-asen ad awin abrid n tmanaɣt uqbel d ulamek ara ṭṭfen inig-nsen ɣer Tturk.

Seg yiwet n tama-nniḍen, yennerna umḍan n yinig seg Wehran ɣer temdint n Paris, yewweḍ ɣer ukkuẓet n tuffɣiwin i wass, mačči snat akken yella niqal, acku yennerna s waṭas umḍan n yimdanen yettawin timesrifgin n tama-a, ma neẓra d akken deg tallit n usteɛfu d unebdu i nella. Inigen-a, ad kemmlen akka almma d aggur n cutember.

Kh. A.

- PUBLICITÉ -