Accueil Tamazight Tuzzya n tẓuri n terbaɛt Tinariwin

I lmned n yennayer : Tuzzya n tẓuri n terbaɛt Tinariwin

199
- PUBLICITÉ -

Yemgarad wamek ara d-yili umager d usfugel n yennayer n useggas-a. Deg yixxamen, tiddukkliwin tidelsanin, tizeɣwa n ccna, iɣerbazen…atg. Lḥasun ad yili s lferḥ n yimdanen, imi d ass n lfal amerbuḥ i d-igellun s usfillet yelhan d lxir d lbaraka. Ɣef waya, yessuddes-d Umaris aɣelnaw n yidles d wulɣu, i lmend n umager n yennayer 2969, yiwet n tuzzya n tẓuri n ccna d uẓawan n terbaɛt tamaḍlant Tinariwin deg tlata n twilayin meqqren n tmurt. Deg Lezzayer tamanaɣt, deg usamer (Qsenṭina) u deg umalu (Wehran). Tarbaɛt Tinariwin, d tin yettwassnen deg umaḍal s taɣulin n uẓawan yufraren i txeddem deg Rruk, El bluz d uẓawan amensay atergi, imi xilla n warrazen imaḍlanen i d-tḥerr yakan. Tebda tuzzya seg Sirta, deg temdint n Qsenṭina, ass-nni n amhad 3 yennayer 2019 deg tzeqqa Aḥmed Bay. Syin tkemmel azuzen deg tmanaɣt deg tzeqqa meqqren Aṭlas, ass n sed 5 yennayer 2019. Yetturaǧu ad tessali ass-a n arim deg tmanaɣt n umalu n tmurt, deg tzeqqa n El Maɣreb deg Wehran ɣef tis 17h00 n tmeddit.

- PUBLICITÉ -

K. A.

- PUBLICITÉ -