Accueil Tamazight Ur d-yelli ara uḥbas ɣef lxedma

Wehran

Ur d-yelli ara uḥbas ɣef lxedma

32

Seld tiɣri-nni i d-yessuffeɣ uɣref imalas yezrin, s uberreḥ deg uẓeṭṭa inmetti, akken ad d-yili uḥbas ɣef lxedma sɣur yakk imdanen d tkebbunay d tsudwin d yimsenza…atg, alamma yella-d ubeddel i ssaramen deg udabu, zun d tabrat n leḥris ɣef lḥekkam akken ad d-slen i tiɣri, acu kan deg twilayt n Wehran, ur wwiḍen ara 10 % i d-yerran i tiɣri-a.

Imi seg wass-nni n lḥed, ass amenzu n usunded, nekker-d taṣebḥit nwala kulci ileḥḥu am tannumi, tiḥuna ldint, allalen n usiweḍ xeddmen, anagar kan tisnawiyin d kra n yiɣerbazen ilemmasen ideg ur llint ara temsirin, acku gan yinelmaden asunded, uqbel ad d-ffɣen ɣer ubrid ɣef 10h d tasawent ad gen tikliwin.

D anemgal n tmurt n leqbayel, ma nesserwes tigawt-a n uḥbas n lxedma d umdal n tḥuna gar-as d tamiwin-nniḍen, mačči kan deg temdinin, imi ula deg tudrin kullec yella yemdel, llan yimdanen ur nufi ara anda ara d-aɣen taxbizt. Annect-a, yettbeggin-d d akken amennuɣ meqqren d uzwar ɣer tigawin, izzewwir seg wul n tmurt n leqbayel seg lqedma n zzman, maca lḥif d lqella n wallalen n tudert yelhan d nutni i wumi d-iṣah d imenza.

Khaled Achoui.