Deg wussan iεeddan i yebdda s wuden unṣib lebni n sbitar n 60 n yimṭerḥen deg dayra n Bouzeguène. D Takebbanit n lebni COSIDER, iwumi yettunefk usenfar-agi, yettuεeggnen ugar n rebεa n yiseggasen-aya. Yella-d leεḍil s ssebba n yiɣeblen n ugdel i icudden ɣer ufran n umḍiq n lebni n usenfar-agi. Seld rebεa n yiseggasen n leɛḍil, fernen yimḍebbren n dayra n Bouzeguène amḍiq iwumi qqaren Imuɣlawen anda ara yettwabnu sbitar-agi, ɣef tehri n 2.4 n yihiktaren. Ma d akud n keffu n usenfar-a, ad yili ɣef teɣzi n 30 n wagguren, s wazal n tedrimt n 180 n yimelyaren n ssuntim.
Ali Zalouk