Accueil Tamazight Yella-d d awelleh i wid ara yesɛeddin akayad n BAC

AT DWALA - Asarag ɣef tnefsit n unelmad : Yella-d d awelleh i wid ara yesɛeddin akayad n BAC

109
- PUBLICITÉ -

Ass-nni n letnayen iɛeddan, yella-d yiwen usarag, i d-yewwin ɣef tnefsit n yinelmaden ara yesɛeddin akayad n BAC 2020. Yella-d waya, i lfayada n yinelmaden n Tesnawit Tamaynut n At Dwala. Tella-d deg-s temlilt d yinelmaden imazwaren akked teseqqamut n uwellah aɣurbiz, Massa Ǧebab, ɣer tama n umussnaw di tnefsit n umdan Mass Saxi Ḥakim. Yella-d deg-s uwelleh n yinelmaden-a, i yettraǧu ukayad-a ameqqran. Mlan-sen-d amek ara siwḍen ad kksen atqelleq , i ten-yettaṭṭafen. Yella-d diɣ wawal deg usarag-a, ɣef wamek ara yefren unelmad asentel i t-iwulmen. Mmeslayen-d diɣ ɣef waṭas n temsal, i yettɛawanen anelmad gar-asent : iḍes di lawan, lmakla yelhan, asteɛfu, asniles yelhan…atg. Am wakken diɣ, i d-rran ɣef yisteqsiyen n yinelmaden-a d wacu i ten-iceɣben. Yella-d diɣ umeslay ɣef tegnatin ideg ara iɛeddi ukayad n BAC n useggas-a, imi ixullef wid iɛeddan, ssebba n waṭṭan n Covid-19.

- PUBLICITÉ -

D Mass Grayci Xlifa, i d-yelhan s usuddes n usarag-agi, i swayes ferḥen yinelmaden, imi asen-yekkes ukukru deg wulawen-nsen. Si tama-nniḍen, ula d tasnawit-a, tella di ttiɛad n uftaḥ n tneɣriyin i yinelmaden akken ad snilsen d yiselmaden-nsen. Dɣa, i wass-a n letnayen, 07 cutember 2020, i yetturaǧun ad fakent temsirin n usniles, akken yettuɛeggen sɣur Uɣlif d Usedwel Aɣelnaw. Deg wawal n taggara, yerra unemhal n tesnawit-a Mass Ɛwisi Ḥmed, tajmilt meqqren i yinebgawen n lḥerma akked yixeddamen merra n tesnawit-a. Am wakken diɣ, i iwessa inelmaden-agi, i wakken ur tqelliqen ara ladɣa ɣef uprutukul adawsan mgal aṭṭan Covid-19 neɣ ɣef tegnatin ideg ara sɛeddin.

A. A.

- PUBLICITÉ -