Accueil Tamazight Yella-d ubraz d usizdeg n ufalu

Xeṛṛaṭa : Yella-d ubraz d usizdeg n ufalu

60
- PUBLICITÉ -

Seld aṭas n ucekti n yinehhaṛen i yettεaddayen seg ubrid aɣelnaw uṭṭun 09, ladɣa seg waddad n ufalu n Xeṛṛaṭa i d-yedḥan d amahi fell-asen. Imi afalu-a, d aqbur mliḥ, yerna segmi i yettwaxdem, mačči aṭas n tikkal i yettwassizdeg, ayagi yeǧǧa-t deg yir liḥala. Mass lwali, i d-yerzan armi d amḍiq-nni, iwala s ttimad-is addad-is, yeddem rray d akken ilaq-as aqeεεed d usizdeg, am wakken daɣen i d-yefka awal belli deg wayyuren i d-iteddun, ad bdun lecɣal n useggem-is, acku rran azal ilaqen n tedrimt i waya. Mass lwali, yegza belli aεewwiq-a ilaq-as tifrat s uɣiwel, daymi yeddem rray akken ad yettwabelleε ubrid i yellan gar Bgayet d Ṣṭif ass n aram 07 deg yenayyer yezrin, bac ad zemmren yixeddamen ad xedmen ccɣel-nsen war uguren. Ɣef leḥsab n teɣbalut-nneɣ, ugar n 500 n yiqeddacen i d-yettwaceyyεen. Gar-asen iqeddacen n Uḥuddu aɣarim, kra deg-sen lhan d useggem n tafat, wiyaḍ ṭṭfen asizdeg, ma d wigad-nniḍen, mεawanen i wakken ad d-skecmen deg lɣar-a ugar n ubeḥri. Ad d-nesmekti d akken axeddim, yebda seg tnezzayt n wass armi yekfa tameddit. Meεna ayen yessewhamen deg temsalt-a, amek ur d-yefki ara agemmuḍ yelhan. Dɣa ɣef leḥsab n yinehhaṛen iεeddan syinna azekka n wass n usizdeg, amzun ur yenqis ara uɣilif, imi mazal ččuṛen kra n yimeḍqan d abbu, rnu i waya, yexneq seg lgaz.

- PUBLICITÉ -

K.K.

- PUBLICITÉ -