Tawennaḍt, d amkan i d-yewwi ɣef umdan ad yesseḥbiber fell-as, ad t-yeǧǧ zeddig, acku yettuɣal-d s lfayda i umdan-nni s timmad-is. Ur d-yettawi aṭṭanen, ad ifaṛes agama yelhan, ad yeɛǧeb lḥal i wid iḥemmlen ad ffɣen, ad merrḥen deg tebḥirin neɣ di tẓegwa.
Maca, llan kra n yidigan ur netteɛǧab ara tiṭ. Ɣef waya, dɣa, ttilin-d wussan n usizdeg seg tikkelt ɣer tayeḍ. Akka i d-yella deg tɣiwant n Msergin deg Wehran, anda i d-mmlalen ass n aram 15 yennayer, mwatan ad ssizedgen u ad reqqɛen tiẓgi n udrar n yizmawen, sɣur imaɣzalen d tddukkliwin n uḥareb ɣef twennaḍt.
D tanmehla n twennaḍt d wammas n ujmaɛ n yiḍuman d waggur azeggaɣ azzayri i d-yessudsen timlilit-a (initiative). Aṭas n yiḍuman i rran ɣer yicekkaren meqqren, fersen isekla, rnan ẓẓan kra-nniḍen, s tallelt n yimdanen akk yellan din, armi yuɣal tameddit n wass yettfeǧǧiǧ, ladɣa deg tlemmast n teẓgi-a, anda llan ikersiyen n usɣar ideg ttfarasen tiɣimit ddaw n yisekla ɛlayen.
Mmsefhament tddukkliwin-a, ɣef yal ass n ssebt ad d-tili tmaɣzelt (volontariat) yecban tagi, yal tikkelt sani ara ruḥen, akken ad d-grin yidgan n umerreḥ deg waddad icebḥen. D annect-a i d-tenna tnemhalt n twennaḍt : “Nessuter deg kra n yixeddamen i wakken ad ttilin deg teẓgi-a taggara n yimalas, deg-s ad nebbhen (ad weṣṣin) ɣef yimdanen, ur ttaǧǧan ara iḍuman-nsen dinna, deg-s d lḥemla n useḥses ɣef ubaɣur i d-yettak ugama i umdan ma yeǧǧa-t zeddig”.
Khaled A.