Accueil Tamazight Yella-d usmekti n Tefsutin deg Uweqqas

Yella-d usmekti n Tefsutin deg Uweqqas

60
- PUBLICITÉ -

I lmend n usmekti n Tefsut n yimaziɣen akked Tesfut taberkant, thegga-d tddukkla Izeɣmar Taremant n Uweqqas i wass n 19 yebrir ahil i yebdan ɣef 13h s yiwet n temsikent ɣef tedyanin i d-yeḍran di temnaḍt n leqbayel. Syin, llan-d sin n yisaragen ɣef tedyain-agi. Amezwaru sɣur Mass Chabane Mourad akked Mass Aidali Hamou, wis sin d asqerdec ɣef tmagit sɣur iselmaden n tmaziɣt, Mass Ayad Salim, Massa Aissou Ourida , akked umedyaz Mass Hebbache Yacine. Am wakken i d-tettunefk tegnit diɣ i ccna amḥaddi sɣur icennayen Lahlou Kamel, Djouadi Aziz, Mouzaoui Mouloud akked uḥric i tmedyazt sɣur Mass Douadi Akli. Deg taggara, walan yimdanen i d-yerzan ɣer din tamezgunt “Amejmaj” i d-iqeddem Mass Bellouz Nadir. S wakka, ihi, i ssulin yiɛeggalen leqdic-nsen i lmend n usmekti n uzemz-agi i ireṣṣan deg wallaɣ n yal Aqbayli, neɣ Amaziɣ s umata.

- PUBLICITÉ -

Yamani Souhila

- PUBLICITÉ -