Accueil Tamazight Yemmut ass n, 7 deg furar 1906

Asmekti n tmettan n Lmuhub Ɛemruc : Yemmut ass n, 7 deg furar 1906

896
- PUBLICITÉ -

I lul Lmuhub Ɛemṛuc ass n, 7 deg furar 1906, deg Yiɣil Ɛli di Bgayet. yemma-s d Fadma At Menṣur, baba-s d Belqacem Ɛemruc, uletma-s d Mari Lwiz Tawes Ɛamruc. Ilul deg udfel ameqqran, dɣa ɣef waya ur yerris ara armi d 13 deg furar. Yunag ɣer Tunes asmi yesεa 4 useggasen di lεemr-is netta d twacult-is. Yufrar mmi-s n Yiɣil Ɛli di leqraya-s armi yekcem ɣer uɣerbaz n yiselmaden anda yuɣal d aselmad n tsekla di tesnawit deg Tunes.

- PUBLICITÉ -

Din i yemlal d umeddakel-is amedyaz Armand Gubert. Yessuffeɣ-d isefra-s imezwura gar 1934 d 1937. Yemlil diɣ tacrikt n ddunit-is Suzanne Molbert i ixeddmen ula d nettat d taselmadt n tsekla taklasikit. Yexdem Lmuhub Ɛemruc di rradyu uqbel ad yuɣal d aqerru ɣef tesɣunt taseklant L’arche uɣur dyesnubget imeqqranen n tsekla am Gaston Bachelard, Roland Barthes, Maurice Meleauponty, Edgar Morin d wiyad. Seg 1958 ɣer 1961 yessawal i timunent n Lezzayer seg rradyu Suisse-romande.

Yura gar 1928 d 1961 idrisen i d-yeffɣen deg 2009 ɣas ulamma mačči i usizreg i ttwarun imi deg-s aṭas n yiḥulfan-is, maca yesbgen-d yiwen n umedyaz n unnar agraɣlan. D netta i yessutren i yemma-s Faḍma i wakken ad d-taru cfawat-is deg udlis ara d-yeffɣen s yisem (Histoire de ma vie). Cendres, Etoiles secretes, Chants berbères de Kabylie, L’eternel Jugurtha, d igerrujen i d-yeǧǧa yiwen seg twacult-agi i yefkan yakk tudert-is i teqbaylit, tawacult iεemrucen. Yemmut umaru, amedyaz, ameɣnas ass n, 16 deg yebrir 1962.

Nisma Tigrine

- PUBLICITÉ -