Ɣas qeṣṣiḥet tyita ɣef kra n win yellan d ameɣnas n tidet, i ileḥḥun srid qbala ulamma ɣer yimi n yizem, ur yugad takurmut neɣ tamettant, imi yeẓra ɣef tidet i yedda, iɛemmed yakk i wayenni. Ma nenna-d yemmut Kamal Ddin Fexxar, yella deg-s kra n ccek, imi d amaziɣ u d amẓabi i yella. Ur teɛdil ara tmettant ɣef umeṭreḥ deg uxxam s ssebba n temɣer neɣ n waṭṭan akked tmettant daxel n lḥebs seld asunded n wacḥal d ass ɣef tuččit. Awal-nni i d-yeǧǧa Lwennas Meɛtub «Ajenwi ad d-yas s aɛenqiq, ad aɣ-zellun yiwen yiwen», yewweḍ-d lawan-is, imi wid i tt-yundin ẓran uɣur ttruḥun, ssnen aniwi i ḥebbsen. Maca, ula d tasussmi tekki deg lmut-is. Agdud-nni i d-yetteffɣen yal ass n sem yessutur rrwaḥ n unagraw, yezmer ula ad ibedd sdat n leḥbus ideg ttwakerfen yimeɣnasen n yizerfan n tidet akken ad d-yili userreḥ-nsen imi di lbaṭel ay ttwaṭṭfen, akka am Kamal Ddin Fexxar. Fell-as talwit d tmella.
Kh. A.