Accueil Tamazight Yemmut yiwen n yilemẓi s trisiti

Iɣil Ɛli : Yemmut yiwen n yilemẓi s trisiti

89
- PUBLICITÉ -

Ddunit akka i tebna, ɣef wayen yelhan, d wayen n diri. Akken i llan yimdanen i neqqen ay llan wid-nni anda nnubba-nsen di ddunit, d aεiwen d usellek n wiyaḍ. Amedya ɣef yineggura-a, d Laradi Muḥend Ccrif, yiwen n yilemẓi seg tɣiwant n Yiɣil Ɛli, i yesεan azal n 27 n yiseggasen kan di leεmeṛ-is. Γas mazal-it meẓẓi, lameεna ur yecliε ara di tudert-is, imi d tudert n umdan-nniḍen i teεna temsalt. Ass n sem, 30 duǧenbeṛ yezrin, tanezzayt n wass, Muḥend Ccrif yella mazal-it igen. Deg lawan-nni, tesla yemma-s i leεyaḍ deg beṛṛa, dɣa tejba i wakken ad twali d acu yellan.

- PUBLICITÉ -

Tufa d yiwen n uxeddam n luzin i teṭṭef trisiti yettmeǧǧid. Dindin tuzzel-d, tessawel-as i mmi-s i wakken ad yeffeɣ, ahat yezmer ad t-id-isellek. S tuffɣiwin n leεqel, yeffeɣ-d Muḥend Ccrif seg uxxam, asawal-is deg ufus-is. Netta yenwa ad d-isellek axeddam-a, lameεna akken qqaṛen, ffɣent tirga mxalfa. Dɣa, mi mazal azal n lmitra ad yelḥeq ɣuṛ uxeddam-nni, ur ifaq ara s yiman-is, armi i yettwajbed. Meḥsub imi yerfed asawal, tejbed-it trisiti ula d netta. Deg teswiεt-nni i ten-refden ɣer sbiṭeṛ. I yisalli, axeddam-a seg twilayt n Busεada. Ixeddem deg luzin-a d amaṣṣiw. Γef leḥsab n teɣbalut-nneɣ, amkan anda i ibennu, llan deg-s lexyuḍ n trisiti ur ttwaɣellfen ara.

Rnu i waya, qerben mliḥ ɣer lqaεa. S unamek-nniḍen, amkan anda i yella luzen-agi ur yeṣliḥ ara. D ayen i d-yeglan s txeṣṣaṛt-a tameqqṛant. Ad d-nesmekti d akken, d Muḥend i yenḍeṛṛen ugar, acku yeṭṭerḍeq fell-as usawal-nni. Seld kra n wussan di sbiṭeṛ, yemmut Muḥend . Meεna ɣur yimeddukkal-is, d warraw n temnaḍt-is, ur yemmuh ara. Ad d-yeqqim deg ulawen i lebda, imi ayen yexdem, drus win ara t-ixedmen. Sgunfu di talwit.

K. K.

- PUBLICITÉ -