Accueil Tamazight Yerkeb-iten lɣiḍ meqqren yimawlan n tnezduɣin

TIZI UZZU - Mbaεd leεḍil deg usenfar n 600 n tnezduɣin Salḥi 2

Yerkeb-iten lɣiḍ meqqren yimawlan n tnezduɣin

54

Imewlan n tnezduɣin yettwajerden deg wahil n 600 n tnezduɣin Salḥi 2, tamdint tamaynut i d-yezgen deg usufeɣ n usamer n temdint n Tizi-Uzzu, summlen leεḍil meqqren yellan deg usenfar-agi n 600 n tnezduɣin, i la traǧun ugar n 5 n yiseggasen-aya. Imḍebbren n tkkebanit i d-yelhan s lebni n tnezduɣin, weɛden acḥal d tikelt s keffu n tnezduɣin, macca ar ass-a, urεad i banen lecɣal n usenfar akken iwata, asenfar yebdan yakan deg useggas n 2011, yettuεeggnen ad d-yekfu deg useggas n 2014.

Deg yiwen n unejmuε i d-yellan deg wass n sebt, 27 deg waggur n yebrir 2019, i ɣur tessawel tddudkla n yimawlan n tnezduɣin n Salḥi 2 , begnen-d lɣiḍ-nsen wid akk yellan deg unejmuε, deg uzniq n les Chabanes, anda ḥedren yimḍebbren n tkkebanit i d-yelhan s lebni n tnezduɣin. Wekkden-d i tikkelt-nniḍen s keffu n lebni n tnezduɣin deg taggara n useggas 2019.

Deg kra n yidiwenniyen d imawlan n tnezduɣin, wekkden-d lɣiḍ-nsen s ssebba n leεḍil i d-yellan deg usenfar i ten-iεeggben s waṭas, ladɣa kra n twaculin ur nesεi ara tinezduɣin, d wid yekran ixxamen, ssaramen ad yekfu usenfar-agi akken ad d-kecmen ɣer tnezduɣin-nsen.

Ali Zalouk