Accueil Tamazight Yeslek yiwen n yilemẓi seg lmut

At Smaεel : Yeslek yiwen n yilemẓi seg lmut

106
- PUBLICITÉ -

Deg tudert n yal ass, ur yeẓṛi yiwen d acu i izemren ad d-yeḍṛu seg teswiεt ɣeṛ tayeḍ. Daymi i yelha uḥader, akken qqaṛen yimezwura “Aḥader yeɣleb aqader”. Γas ma yella amdan yettkukru tuqqsa mi ara yerzu ɣer tezgi, ama d tin n uzrem, neɣ d tin n tɣirdemt, lameεna amahi n tuqqsa-a yella ula deg yixxamen. D ayen i yeḍṛan d yilemẓi K.Wahib seg taddart n At Tεisiwt, taɣiwant n At Smaεel, i yesεan 17 n yiseggasen. Dɣa, am yal ass, seld tuččit n yimensi, yeffeɣ uqcic-a i wakken ad iwanes imeddukkal-is, imi ttnejmaεen yal tameddit ttqeṣṣiren. Lameεna tikkelt-a, ur yerzi ara ɣur-sen, acku yeffeɣ-d kan amnaṛ n tewwurt n uxxam, iḥus i kra i t-ikerrcen seg tefdent-is. Imir-n yecεel Wahib tafat n usawal-is yufa-tt d tiɣerdemt i t-yeqqsen.

- PUBLICITÉ -

Γef leḥsab n teɣbalut-nneɣ, ccil ur iḥus ara Wahib i leqriḥ ameqqṛan imir-n, meḥsub d ayen yezmer ad yeṣbeṛ yiwen, lameεna akken i ttεeddayent temrac i yettḥulfu s uḍaṛ-is ifeccel. D ayen i t-yeǧǧan iger teɣṛi i wat uxxam. Nutni seg tama-nsen refden-t ɣer sbiṭaṛ. Ad d-nesmekti d akken deg ubrid-is yemlelli, yerna yettara Imi yelḥeq ɣer dinna, iḥus i yiman-is yefcel akk. Rnu i waya, yuɣal ur yezmir i leqṛiḥ-nni, yebɣa kan ad yeqmec allen-is ad igen. Ula d aḍaṛ-is yuɣal ur yettḩussu ara yis-s. Kksen-as idammen s tazzla, xedmen-as asiṛum. Imi i d-ffɣen igemmaḍ n yidammen, ttwekkden belli d tuqqsa n tɣirdemt, fkan-as ddwa iwulmen. Yerna ǧǧan-t deg sbiṭaṛ iḍ-nni, armi d azekka-nni, imi iḥulfa i yiman-is yeḥla i t-id-ssufɣen.

Imawlan-is, d yimedukkal-is, umren ayen din imi yeslek. Di taggara ad nekfu s wawal n uletma-s dɣa tenna-aɣ-d: «Ulac d acu isehlen am lmut, ɣas ma yella s tacart, lameεna yelha win yettḥadaren iman-is».

K. K.

- PUBLICITÉ -