Accueil Tamazight Yessuter akemmel n yisenfaren yettwaḥebsen

Aseqqamu aɣerfan n lwilaya n Tizi Uzzu

Yessuter akemmel n yisenfaren yettwaḥebsen

61

Gar yisenfaren iɣessanen i mazal ttwaɛelqen ar ass-a deg ugezdu n Tizi Uzzu, ad naf annar n ddabax uḍar n 5 0000 n yimeḍqan, tawdeft ɣer ubrid ameqqren n usamer-umalu, aggugen (barrages) n Sidi Khelifa d Tizi n Tlata, Isseɣser n usizdeg n waman, sbiṭer n 500 n yimṭerḥen, axxam n tujjya n tlawin-arrac. Aṭas n yisenfaren iɣessanen i yettwajerden deg wahilen n ugzdu n Tizi Uzzu mazal ur fukken ara. Am wakken, diɣ, i llan kra-nniḍen ttwaḥebsen s ssebba n uɣbel n tdamsa tettidir tmurt n Lezzayer deg yiseggasen-agi ineggura. Deg wawal i d-yenna uselway n Useqqamu Aɣerfan n Ugezdu n Tizi Uzzu, Mass Youcef Aouchiche, i lmend n tullya n tedwilt taneggarut (dernière session) n useqqamu, ad naf tiɣri i d-iger i ubadu n tmurt n Lezzayer akken ad yefk afus n tallelt i wakken ad kfun isenfaren-agi i mazal ur kkfin, anda i d-yella leɛḍil meqqren deg lebni-nsen.

« Agezduu-nneɣ yettṛaǧu s ccuq meqqren keffu n yisenfaren iɣessanen i yeččuren d iɣeblan. Ad bedreɣ gar –asen : annar amaynut n dabbax uḍar n 50 000 n yimeḍqan, aggugen n Sidi Khelifa d Tizi n Tlata, sḍis (06) n yisseɣser n usizdeg n waman i d-yezgan deg yisaffen i d-yettawin ɣer uggug n Taksabt, Tilifirik, agerrez n Isensuyen n Tala Gilef, Amrawa, Tamgut, Lalla Khedidja, Balloua, d le Bracelet d’argent, agerrez n sbiṭarat akked yixxamen n tujjya.

Ad nger tiɣri i tikkelt tis ṭamet (08) i usfay n n yal asenfar yettwajerden deg ugezdu n Tizi Uzzu, ladɣa sbiṭarat d uxxam n tujjya n tlawin-arrac, abrid n Ain El Hammam, d Draa El Mizan », Ɣef leḥsab n yimeḍebber n Useqqamu Aɣerfan n Ugerzu. Yerna-d deg wawal-is Mass Aouchiche, «yewwid ad yili lḥir meqqren, akken ad nessiweḍ ad nekkes leɛḍil yellan deg yisenfaren iɣessanen yemgaraden d unegmu n ugezdu. Ilaq daɣen ad d-yili lḥir ɣer temsal tigejdanin yerḥan imezdaɣ n temnaḍt-agi n Leqbayel ». Ikemmel deg wawal-is  » Yewwid ad nefru s lemɣawla aɣbel n usiweḍ n trisiti ɣer wazal n 20 000 n tnezduɣin.

Am wakken id-yewwid daɣen ɣef yimḍebbren, ad ṭṭfen deg wawal-nsen ɣef wayen yeɛnan asiwweḍ n iqadusen n lgaz n temdint ɣer tɣiwanin n At Chafâa, Akkerou d Zekri, daɣen aɣiwel deg usiweḍ n iqadusen n lgaz n temdint mazal urɛad i ten-yewwid usafar-agi agejdan. » Akka i d-yenna uselway n Useqqamu Aɣerfan.

Imenna uselway n useqqamu ad tili tedrimt ɣef demma n temḍiqt-agi, akken ad d-tili tduli n uẓeṭṭa n yiberdan n ugzdu, asewseɛ n uẓeṭṭa n yiqadusen n waman yumsen d uɛawed n uẓeṭṭa n wid n waman n tisit. Yebder-d daɣen d akken ur d-yelli ara lḥir ɣef laryuyat yettwaddmen deg yinejmuɛen n Useqqamu Aɣerfan, aladɣa, assuter n uxlaq n tkebbanit n uselḥu n usagen yettabaɛen ɣer ugezdu, d lebni n yiwen n usagen akiwan (port sec) deg tɣiwant n Oued Aissi. Yenna daɣen : » Tedrimt i aɣen-d-yettunefken drus maḍi, tebɛed aṭas ɣef wayen i d-ssuturent tɣiwanin d yimdanen ». Ɣer taggara yesmekta-d Mass Aouchiche, i tikkelt nniden, iselwayen n tɣiwant s ujerred n usenfaṛ n lebni n tesdawit tamaynut, tazddayt n tujjya, tinaramin n unadi deg taɣulin yemgaraden.

Ali Zalouk