Accueil Tamazight Yettwaḥbes lmir aqdim n Ḥasi Mefsux

Wehran

Yettwaḥbes lmir aqdim n Ḥasi Mefsux

60

Seg waggur n yulyu iɛeddan, bdan yimsulta n twilayt n Wehran xeddmen anadi ɣef kra n yiqerra i yekkin deg lefsad, i yessawḍen tadbelt tazayezt ɣer wayen ur nelhi ara. Dɣa, ass n aram yezrin, ssawḍen ad ḥebsen lmir aqdim n tɣiwant n Ḥasi Mefsux yettusemman B.B deg uxxam-is i d-yezgan deg umkan iwumi qqaren Boulodrome, ur nebɛid ara ɣef tlemmast n temdint. Teffeɣ fell-as tsastant ɣef sḍis n yikaramen, gar-asen aselḥu ur nelhi ara n lecɣal, takerḍa, asexdem n wudmawen di leqdic d tukci n leqwaɛi n wakal d tḥuna i liqrib. Seg useggas n 2014 asmi yella d aqerru ɣef tɣiwant-a i yebda fell-as unadi, d ayen i t-yeǧǧan ad yeǧǧ adeg-is, ad yeffer anda ur t-yettaf yiwen imi yeẓra acu yexdem. Armi d imalas yezrin, yerza-d ɣer uxxam-is amaynut deg tama n Boulodrome, dɣa d yiwen n lǧar-is i yessuffɣen fell-as isalli i yimsulta, ineggura-a seg tama-nsen, wwin-d ttesriḥ, rzan-d u wwin-t. Yetturaǧu ad iɛeddi ɣef tlata n tɣedmin, tid n Cité Djamel, Wehran, d Ɛin Tturk, bdu seg wass n ssebt-a sdat-neɣ.

Kh. A.