Accueil Tamazight Yettwanɣa yiwen umejjay deg Ugni Ucerqi

Aẓeffun

Yettwanɣa yiwen umejjay deg Ugni Ucerqi

60

Tedder temnaḍt n Uẓeffun tawaɣit i d-yessersen leḥzen, lḥir
d lɣiḍ gar yimezdaɣ-is,
s tmenɣiwt n Lɛerbi Ḥasen ass n amhad yezrin.
Lɛerbi yella ixeddem d amejjay deg sbiṭar n Uẓeffun, yeffeɣ-d seg uxeddim am tannumi. Deg ubrid? yeḥbes ad yawi yiwen n yilemẓi i as-d-iwehhan, maca aneggaru-a yuɣal-as d acengu mbeɛd kra n wakud kan segmi t-id-yessuli ɣer tkerrust,
imi yesmar fell-as 6 n terṣaṣin s tneggḥelt Kalashnikov, deg wadeg iwumi ssawalen Agni Ucerqi, syin yerwel gar yisekla n teẓgi. Ma d amejjay yettwanɣan, yettwawi ɣer sbiṭar n Uẓeffun yakan, maca lmut tezwar-d ɣur-s, teḥweṣ-it ɣef usemmud n 50 n yiseggasen, ad fell-as talwit. Annect-a bla ma nettu yiwen n unehhar-nniḍen n uṭaksi yemmezlen ass-nni n larebɛa sɣur yiwen n umdan i d-yewwi yid-s. Ɣef waya, yewwi-d ɣef yimdanen i inehren tikeryas-nsen deg yiberdan ilmawen neɣ deg lexlawi, ad ḥadren, ur ssalayen ara win ufan akken ad ḥerzen tirwiḥin-nsen, acku addad ur yessefraḥ ara. Amejjay-agi (H-L), yezdeɣ deg taddart n Tagersift, yettabaɛen ɣer taɣiwant n Uɣrib. Ar tura ur d-banent ara tmental tiḥeqqaniyin, i yeǧǧan amdan-agi ad ineɣ amejjay-a.

K.A./A.Z.