Accueil Tamazight Yuɣal-d usirem ɣer terbaɛt n JSK

Timlilit tis 10 n Telɣuɣa n ddabex uḍar n Lezzayer : Yuɣal-d usirem ɣer terbaɛt n JSK

39
- PUBLICITÉ -

Akken kan yebda ccekk la yettaɣ amekkan-is deg uxxam n terbaɛt n yilmeẓyen n leqbayel JSK, ha-t-an yuɣal-d usirem i wid i tt-iḥemmlen, mbeɛd mi “tekkes sser” ɣef terbaɛt n MCA deg Lezzayer tamanaɣt s 3 n yiswiyen ɣer ulac. Waqila tufa-d ddebb-is terbaɛt n MCA imi i tt-trebbeḥ yal tikkelt JSK. Tettaɣlab-itt daxel neɣ deg berra n unnar-is, deg yal taswiɛt, “ama d anebdu, ama d ccetwa”, akken i d-uran kra n yimferǧen n ddabex uḍar. Rbeḥ-agi i d-tewwi tarbaɛt n yilmeẓyen n leqbayel, ad yefk afud igerrzen i yimyurar-is i wakken ad kemmlen s lebɣi d tebɣest deg umecwar-nsen, u ad ṣefḍen lexsarat iɛeddan d usnuɣni n wid i tt-iḥemmlen, ladɣa wid-nni i yekkaten deg-sen.

- PUBLICITÉ -

Ma ɣef temliit, nezmer ad d-nini turar-itt terbaɛt n JSK akken iwata, mačči imi terbeḥ, meɛna imi yal amekkan n unnar tesseḥres fell-as. Ayen i tt-yeǧǧan ad d-tawi 3 n yiswiyen u ad teḥrez acebbak-is d ilem. Ula d abeddel n yimyurar i yewdem usleɣmay Velud, yewwi-d lɣella-s. Netta i yellan rrif n ucruf mbeɛd lexsara sdat n tarbaɛt n USMBA. Llan-d yiswiyen n temlilit deg uḥric wis sin sɣur Belgherbi, Hamroun d Bensayeh. S wakka i d-tqerreb JSK s 16 n tneqqiḍin ɣer trebbuyaɛ n MCA d CRB i yeṭṭfen imekwan imezwura. Mazal ihi yella usirem i terbaɛt n yilmeẓyen n leqbayel i wakken ad ṭṭfen taqacuct deg uḥric-agi n rrwaḥ, ma neẓra mazal 5 n temliliyin.

Yenna-d deg taggara usleɣmay n JSK “Tetturar JSK akken iwata sdat n trebbuyaɛ timeqqranin. Iaq ad nexdem akka akked wiyaḍ”. Acu kan, ilaq diɣ ad terr ddehn-is ɣer Telɣuɣa n Tefriqt i tt-yettraǧun deg ussan i d-iteddun. Asiher amezwaru-ines ad yili ass n 29 deg unbir-agi, akked Vita Cub, ahat deg unnar n 5 deg yulyu deg ezzayer tamanaɣt.

Hocine Moula

- PUBLICITÉ -