Accueil Tamazight Yuli uṛeqqas n undar n tmes deg yulyu 2019

Bgayet

Yuli uṛeqqas n undar n tmes deg yulyu 2019

29

S wudem amatu, deg sin n wayyuren n yunyu akked yulyu 2019, iqeddacen n Uḥuddu aɣarim, ffɣen 5 986 n tikkal deg twilayt n Bgayet. Deg-s rran i tiɣṛiwin n usellek, anda i sqedcen 2 617 n tkeṛṛuṣin n usellek.

Ad d-nesmekti d akken di tuffɣiwin-a, ṣṣawḍen sellken-d 497 n yimejṛaḥ, am wakken i sleḥqen 2 104 n yimuḍan ɣer teklinikin. Ma yella i wussens n tmes, sqedcen 1 205 n yikumyan gar-asen wid yellan d uzzigen i waya. Ayen yeṣṣefṛaḥen, d yiwet n tesga n Uḥuddu aɣarim i d-yennulfan d tamaynut i ubaɣuṛ n tɣiwant n At Maεuc, ladɣa imi tella tettabeε i tin n Ṣedduq.

Ma yella seg tama n wayen yeḍṛan di teftisin n Bgayet, deg yulyu 2019, ixeddamen n Uḥuddu aɣarim, gren iman-nsen deg 3 317 n tuffɣiwin, selken-d 1 761 seg uɣraq imḥettem, gar-asen 1 451 ttwadawan imir-n, ma yella d 80 ttwawin ɣer sbiṭeṛ. Seg tama-nniḍen, llan 4 ɣerqen mmuten, 3 deg-sen deg teftisin war taεessast, ma d wis ukuẓ, i yesεan 57 n yiseggasen, seg Bgayet, yemmut beṛṛa n wakud n tεessast.

Ɣef temsalt-a, imasayen n Uḥuddu aɣarim, gren-d tiɣṛi i medden i wakken ad ḥadren iman-nsen ugar ama deg teftisin, neɣ deg yiberdan. Acku Ula d yisehwa ḍeg yulyu 2019, glan s snat n teṛwiḥin, yerna jeṛḥen 258 n yemdanen. Ɣer taggara, imḍanen n tmes deg Bgayet ssexlaεen, dɣa deg yulyu 2019, rɣan ugar n 704,5 Ha n yimɣan, ḥerqent 3 780 n ttjuṛ n yigumma, d 1 252 n tbaliwin n tuga.
K. K.