Di tezgi, yeγli-d yiḍ, kecmen meṛṛa yiγersiwen kecmen ifran-nsen i wakken ad steεfun si leεtab n wass. Iγed neγ aqelwac la yesbaebuε, ittemḍaγa s teγzi n ugeṛjuj-is, armi iḥerrem lğiran-is meṛṛa di tnafa. Iruḥ-d γur-s uḥelluf yenna-as: «Annaγ ay aqelwac, ur aγ-teğğiḍ ara ad ngen, d lxiṛ kan ?». Aqelwac: «D lxiṛ kan ay aḥelluf, d taγaḍt (meḥsub tameṭṭut-is) i d-yurwen, aql-i ferḥeγ la cennuγ».
-Acḥal i d-turew ma ulac uγγilif ?
-Sin yiγiden, Llah ibarrek.
-Sin i d-turew, thebleḍ akk tizgi ?
Dγa yeṭṭef-d uḥelluf seg učamar-is, yenna-as: “Ṛwaḥ ad twaliḍ tileft (taḥelluft) acḥal i d-turew”. Yewwi-t γer usgun n tileft, yufa-n aṭas n yilfan imecṭaḥ. Yefqeε, yenna-as uḥelluf: “Twalaḍ acḥal i nurew, ulac win i aγ-d-yeslan, keččinni sin yiγiden, tesguğğeḍ fell-aγ tanafa. Yuγal-d uqelwac, yessusem”.
Yahia Yanes