Accueil Évènement Isallen n ddurt

Tarkunt

Isallen n ddurt

2325

Ttlata, 9 deg ɣuct
Tebda zzyara ɣer Uẓru n Thur i wid yeḥwaǧen abeḥri i turin akked tukksa n lxiq i lxater wamma ma yella thelkeḍ, terwi. Ha-ten-in sbiṭarat akked yimekwan n tujjya, uḍnen : ur yelli win ara irefden wayeḍ. Neɣ ma ulac maḍi, zemren wid iwaɛan ad ruḥen ɣer tfaska n umezgun ara yilin seg 20 alamma d 25 deg Amizour.

Larebɛa, 10 deg ɣuct.
Dayen,qrib ad kkfun yimuras i yinelmaden. Tuɣalin ɣer uɣerbaz ass n 4 deg cutember. Ula d JSK tuɣal-d seg Tunes, yerna ur telɛib ara aṭas n temliliyin n uheggi. Ma deg Ifri Ouzellaguen, la ttheggayen i usmekti n temlilit n Soummam. Ma d wid mazal-iten deg usgunfu, zemren ad ɣren ‘’L’audace de rêver’’, ungal n Said Arab neɣ ciṭ n tmedyazt n Halim Behlouli. Ula deg Marikan, rran tajmilt i usaru azzayri ‘’La Bataille d’Alger’’

Lexmis, 11 deg ɣuct.
Yeffeɣ lexbar d ameqqran, medden akk slan d akken Amour Abdenour, yehlek u yekcem sbiṭer. Netuqqelleqq, nessawel-as, nufa-t akken kan isellek timlilit n ddabex uḍar. A ziɣ, kra din ulac-it. Asali-a, yeffeɣ-d deg useggas n…2013. Ha-t-an ad d-yeffeɣ lqanun i wakken ad arun medden ‘’Halal’’ ɣef wayen yettmaččan gar wayen ara d-xedmen yimdanen. Ma Cheb Khaled akked tarbaɛt Djurdjura, ad ttekin deg tfaska ‘’Twiza’’ n Tanger n tmurt n Maruk. Yiwen, iruḥ ɣer tmurt-is, tayeḍ truḥ ɣer watmaten-is.

Seb, 13 deg ɣuct.
Ula d Malika Doumrane, tuɣal-d s annar n ccna : qrib ad d-tessufeɣ album ajdid ɣef wakken i d as-d-tenna i tneɣmast-nneɣ kamela Haddoum. Mazal liḥal n yiberdan terwi, ulac ass anda ur teḍri ara twaɣit i yeglan s lmut. Ar melmi ? i yesteqsa Uɣmis La Dépêche de Kabylie. Ma mačči d tikeryas, d times. Terɣa Bgayet : tekker tmes deg 1 312 n yimekwan. Cwi kan llant kra n tmeɣriwin akked tfaskiwin i wakken ad ttun ciṭ yimdanen. Tafaska n tqendurt n leqbayel, tebda deg Ihamziène.